Zeremi 38:19 - NYANMIƐN NDƐ'N 1998

¹⁹ Famiɛn Sedesias tɛli i su kɛ yoo: «Zuif nga be sinnin Babilɔnifuɛ'm bé sin'n, be ti yɛ srɛ kun min-ɔn. Sɛ n yo sɔ-ɔ, be ko fa min be ko wla bé sa nun be ko yo min tɛtɛ.»

Zeremi 38:19 ပူးပေါင်းရင်းမြစ်များ

2 Be Nyoliɛ 30:10

Be nga be sunmannin be'n, be sinsinnin klɔ'm be su, be ɔli Efraim akpasua'n nin Manase akpasua'n su, i sin be juli Zabilɔn asa'n su, sanngɛ sran'm be toli be mma, be yoli be finfin.

Neemi 4:1

Kɛ Sanbalat nin Tɔbiza, nin Arabfuɛ nin Amɔnfuɛ, nin Asdɔdfuɛ'm be tili kɛ Zerizalɛm klɔ'n i talɛ'n i kplanlɛ'n su kɔ i nyrun, nan e su tannintannin toklo mun'n, ɔ yoli be ya dan.

Zɔb I Nyrɛnnɛn Wunlɛ 31:34

kɛ ɔ ´yo nan nzrafuɛ'm b'a ti-man'n ti, annzɛ kɛ ɔ ´yo nan sran'm b'a yo-man min finfin'n ti? ?M muannin mín nuan? ?M'an fite-man gua su?

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Zeremi 20:7

Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Zeremi 38:22

‹Bla nga be ka Zida famiɛn'n i awlo nun'n, be ´fa be kwlaa be ko man Babilɔni famiɛn'n i awlo lɔ sran dandan mun. Kpɛkuun bla sɔ'm be wa se wɔ kɛ yoo: Be nga be kannin fɔundi ndɛ kleli wɔ'n, be sili wɔ laka o, nja. Be nyannin wɔ. Be lakali wɔ lele bɔ be ´nian-an a wun-man ɔ wun fɛ'n, kpɛkuun b'a yi bé ja.

Zeremi 38:5

Famiɛn Sedesias tɛli be su kɛ: «I yɛ ɔ o lɛ-ɔ, like nga amun waan amun ´fa yo i'n, an `fa yo i. Afin n ti famiɛn sɔ, sanngɛ amun yɛ an kwla-a.»

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Jean 12:42

Ɔ nin i sɔ ngba'n, Zuif kpɛnngbɛn'm be nun kpanngban be lafili Jésus su, sanngɛ Farizifuɛ'm be ti, b'a yi-man bé wun nglo. Sɛ be yoli sɔ'n, wuun be kannin be bo Nyanmiɛn ndɛ suanlɛ nin i srɛlɛ sua'n nun.

Jɔlɛ Difuɛ Mun 16:25

Kɛ be klun jɔli dan'n ti, be seli kɛ: «Amun `fa Samsɔn bla nan ɔ wa kan ngowa kan kle ye.» Be ko fali Samsɔn bisua lɔ bali. Ɔ wa yili srilɛ kleli be. Yɛ be sieli i sua'n i kuatrɛn nnyɔn'm be afiɛn-ɔn.

Jɔlɛ Difuɛ Mun 9:54

Abimelɛk flɛli gbanflɛn ng'ɔ trɛ i alɛ ninnge'm be nun'n kɛ ɔ bla ndɛndɛ nan ɔ wa yi i tokofi'n nan ɔ kun i, kɛ ɔ ´yo nan b'a se-man kɛ bla yɛ ɔ kunnin i'n ti. I gbanflɛn'n fɛli i tokofi wɔli i nan ɔ'a wu.

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 31:4

Yɛ Sail seli i alɛ ninnge'n suafuɛ'n kɛ: «Yi ɔ tokofi'n fa kun min, ɔ'a yo-man sɔ-ɔ, sran nga b'a wla-man be klɛn yɛ'n be yɛ be wa kun min sa ngbɛn-ɔn, kpɛkuun be ´yo min finfin,» sanngɛ srɛ'n b'ɔ ´kun i alɛ ninnge suafuɛ'n ti'n ɔ'a di-man su. Yɛ Sail bɔbɔ kplɛnnin i tokofi'n asiɛ wun yɛ ɔ tu tɔli su-ɔ.