Zeremi 38:18 - NYANMIƐN NDƐ'N 1998

¹⁸ Sanngɛ sɛ a fite-man a ko fa-man ɔ wun a wla-man Babilɔni famiɛn'n i awlo lɔ sran dandan'm bé sa nun'n, Babilɔnifuɛ'm be ´fa klɔ'n be ´wɔ nun. Kusu a su fin-man nun fite-man.› »

Zeremi 38:18 ပူးပေါင်းရင်းမြစ်များ

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

Zeremi 21:10

Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 27:8

Nvle nin famiɛn diwlɛ kun nga'm be nunfuɛ mun be waan be su-man Nɛbikadnɛzar b'ɔ ti Babilɔni famiɛn'n, sɛ be waan be fa-man be kɔmin'n mɛn-mɛn i nan ɔ sie-man su be kɔmin su waka'n, n ´fa alɛ'n nin awe'n, ɔ nin tukpacɛ b'ɔ sa ndɛndɛ'n n ´fa yi i sɔ nvle liɛ'm be su lele san be ´nunnun treketreke.›

Zeremi 37:8

Ɔ man Babilɔnifuɛ'm be wa sa bé sin be ´ba, be nin klɔ nga nunfuɛ mun be wa kun. Be ´fa klɔ'n, be ´wɔ nun.

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 38:3

Zeremi kɛnnin i ekun kɛ: «Anannganman'n wan yoo: ‹Klɔ nga, sán Babilɔni famiɛn'n i sonja'm be ´fa.› »

Zeremi 39:3

Kpɛkuun Babilɔni famiɛn'n i awlo lɔ sran dandan'm be kwlaa be wa trannin anuan nga be flɛ i kɛ klɔ Afiɛn Anuan'n nun. Be flɛ sran dan sɔ'n kun Nɛrgal-Sarɛzɛr. Ɔ ti awlo lɔ sran dandan'm be nun dan'n kun. Be flɛ kun kɛ Samgar-Nɛbi, yɛ kun suan Sarsɛkim, i yɛ ɔ ti famiɛn'n i sran b'ɔ lafi i su kpa nin-ɔn. Babilɔni famiɛn'n i awlo lɔ sran dandan'm be kwlakwla be bali lɛ wie.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Ezekiɛl 17:15

Sanngɛ famiɛn uflɛ'n jasoli ng'ɔ kwlali i'n i wun, ɔ sunmannin sran Ezipt lɔ kɛ be kɔ srɛ nnɛn kpanngɔ nin sonja kpanngban kpa. ?Sran ng'ɔ yoli sa sɔ'n, ɔ ´fite nun? Ɔ sacili aenguɛ'n, i ti ɔ su fite-man nun.