Zeremi 38:17 - NYANMIƐN NDƐ'N 1998

¹⁷ Yɛ Zeremi seli Sedesias kɛ: «Anannganman b'ɔ sie mɛn wunmuan'n, Izraɛl Nyanmiɛn'n i nuan su ndɛ'n yɛ. I waan: ‹Sɛ a fin klɔ'n nun fite nan a fa ɔ wun ko man Babilɔni famiɛn'n i awlo lɔ sran dandan mun'n, ɔ́ wun fouun! Yɛ kusu be su wɔ-man klɔ nga nun. A nin wɔ awlofuɛ mun amun ´fite nun.

Zeremi 38:17 ပူးပေါင်းရင်းမြစ်များ

Bo Bolɛ 12:13

I sɔ'n ti, n ´srɛ wɔ, se kɛ a ti min niaan bla nan be yo min kpa ɔ dunman nun, nan b'a kun-man min.»

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

2 Famiɛn Mun 25:27

Kɛ be trali Zozakin b'ɔ ti famiɛn'n i lomuɛn bɔ be fɛli i ɔli'n i afuɛ ablasan-nin-nso'n su'n, Babilɔni famiɛn bɔ be flɛ i Evil-Mɛrɔdak'n sili i aunnvuɛ, nan ɔ'a yi i bisua'n nun ɔ'a fite. Afuɛ sɔ'n i anglo blu-nin-nnyɔn'n su yɛ ɔ yili i-ɔ. Kɛ ɔ ´yo sɔ'n, wuun anglo'n ɔ'a di le ablaɔn-nin-nso. Afuɛ kunngba nga Evil-Mɛrɔdak yoli famiɛn'n, i nun yɛ ɔ yili Zozakin nin-ɔn.

1 Be Nyoliɛ 17:24

Man ɔ yo sɔ nan ɔ dunman'n fu tititi, nan be se kɛ: ‹Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n, yɛ ɔ ti i Nyanmiɛn sakpa-a.› Yɛ yo man min osu'n taka sakpa,

Ɛsdras 9:4

Be kwlaa nga Anannganman i ndɛ'n i wun srɛ o be klun'n, sa tɛ nga Izraɛlfuɛ nga be fin kanga'n nun bali'n be yoli'n ti, be wa yiali min wun lɛ. N trannin sɔ lele nnɔsua tɛ yilɛ dɔ'n juli.

Zɔb I Nyrɛnnɛn Wunlɛ 23:13

?Yɛ sɛ ɔ ko fa akunndan kun'n, be ´yo i sɛ yɛ ɔ ´kaci aniɛn-ɔn? Like ng'ɔ klo kɛ ɔ ´yo'n, yɛ ɔ yo-ɔ.

Jue Mun 80:14

Blo kɔkɔti'm be wa didi i nun ninnge mun, yɛ blo nnɛn'm be ´ko didi lɔ.

Jue Mun 80:7

Wɔ man be nga be mɛn'n mantan e liɛ'n be kpɛ ndɛ e mɛn'n i falɛ ti. E kpɔfuɛ'm be yo e finfin.

Zeremi 27:12

Ndɛ kunngba sɔ'n yɛ n kan kleli famiɛn Sedesias-ɔ. N seli i kɛ: «An `fa amún kɔmin'n man Babilɔni famiɛn'n man ɔ sie su be kɔmin su waka. An `su i, an `su i nvle'n nan amu'an nyan nguan.

Zeremi 27:17

Nán amun tie, an `su Babilɔni famiɛn'n. Sɛ an su i'n, amun ´nyan nguan. ?Kɛ klɔ nga ´nunnun mlɔnmlɔn'n, i klanman liɛ'n yɛlɛ onin?›

Zeremi 27:8

Nvle nin famiɛn diwlɛ kun nga'm be nunfuɛ mun be waan be su-man Nɛbikadnɛzar b'ɔ ti Babilɔni famiɛn'n, sɛ be waan be fa-man be kɔmin'n mɛn-mɛn i nan ɔ sie-man su be kɔmin su waka'n, n ´fa alɛ'n nin awe'n, ɔ nin tukpacɛ b'ɔ sa ndɛndɛ'n n ´fa yi i sɔ nvle liɛ'm be su lele san be ´nunnun treketreke.›

Zeremi 38:2

«Anannganman'n wan yoo: ‹Sran kwlaa ng'ɔ ka klɔ nga nun wa'n, alɛ'n ´di i. Sɛ alɛ'n ɔ'a di-mɛn i-ɔ, awe'n ´kun i, ɔ ´wu. Sɛ awe'n ɔ'a kun-mɛn i'n, tukpacɛ b'ɔ sa ndɛndɛ'n ´kun i. Sran nga kusu b'ɔ jaso klɔ'n nun wa ɔ fɛ i wun ko man Babilɔnifuɛ mun'n, i wun fouun! I liɛ ng'ɔ ko nyɛn i'n yɛlɛ i nguan'n.› »

Zeremi 39:3

Kpɛkuun Babilɔni famiɛn'n i awlo lɔ sran dandan'm be kwlaa be wa trannin anuan nga be flɛ i kɛ klɔ Afiɛn Anuan'n nun. Be flɛ sran dan sɔ'n kun Nɛrgal-Sarɛzɛr. Ɔ ti awlo lɔ sran dandan'm be nun dan'n kun. Be flɛ kun kɛ Samgar-Nɛbi, yɛ kun suan Sarsɛkim, i yɛ ɔ ti famiɛn'n i sran b'ɔ lafi i su kpa nin-ɔn. Babilɔni famiɛn'n i awlo lɔ sran dandan'm be kwlakwla be bali lɛ wie.

Zeremi 40:9

Gɛdalia kannin ndɛ kleli be nin be sran mun, ɔ seli be kɛ yoo: «Nán srɛ kun amun, an su Babilɔnifuɛ mun, an `ka e mɛn'n nun wa an su Babilɔni famiɛn'n, amun ´nyan amun ti.

Zeremi 44:7

Siɛn'n, Anannganman b'ɔ ti Izraɛl Nyanmiɛn'n b'ɔ sie mɛn wunmuan'n usa kɛ yoo: «?Nguɛ ti yɛ amun bɔbɔ amun yo amún wun tɛ sɔ-ɔ? ?Zida mɛn wunmuan'n i yasua mun o, i bla mun o, i ba kanngan mun o, i ba nɔnman mun o, yɛ amun kunndɛ kɛ be nunnun-ɔn?

Ezekiɛl 8:4

N wunnin Anannganman i nyannyan'n kɛ n fa wunnin i kongo nun lɔ'n sa.

Amɔs 5:27

I sɔ'n ti, n ´yo man be wa tra amun be ´kɔ Damas sin mmua lɔ kpa.» Nyanmiɛn b'ɔ sie mɛn wunmuan'n, b'ɔ suan Anannganman'n yɛ ɔ kan sɔ kle amun-ɔn .