Zeremi 37:7 - NYANMIƐN NDƐ'N 1998

⁷ «Min Anannganman bɔ n ti Izraɛl Nyanmiɛn'n, n waan yoo: ‹An `ko se Zida famiɛn'n b'ɔ sunmannin amun kɛ amun wa usa min sa'n kɛ yoo: Se kɛ sɛ Ezipt famiɛn i sonja'm bɔ be tuli ajalɛ kɛ be ´ba amun ukalɛ'n, be su sa bé sin be mɛn'n nun.

Zeremi 37:7 ပူးပေါင်းရင်းမြစ်များ

2 Famiɛn Mun 22:18

Amun `ko se Zida famiɛn'n b'ɔ sunmannin amun mín sin'n kɛ min Anannganman bɔ n ti Izraɛl Nyanmiɛn'n min waan yoo: A tili ndɛ ng'ɔ o fluwa nga nun'n.

2 Famiɛn Mun 24:7

Ezipt famiɛn'n ɔ'a fin-mɛn i mɛn'n nun lɔ ɔ'a fite-man ɔ'a ɔ-man lika fi kun, afin i lika'n nga be o Ezipt nzue ba'n nin nzue ba nga be flɛ i Efrat'n be afiɛn'n nun'n, Babilɔni famiɛn'n fɛli i ngba.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 30:7

Sɛ be se wɔ kɛ Eziptfuɛ'm be kwla uka be'n, ɔ ti ato. I sɔ'n ti n flɛ Eziptfuɛ'm be kɛ Raab b'ɔ yo-man like fi'n.

Ezai 36:6

?Nán Ezipt'n i su yɛ a fa ɔ wla'n gua-a? Ezipt'n ti kɛ ndɛma nga bɔ ɔ'a bu'n sa. Sɛ a kisa su-ɔ, ɔ wɔ ɔ́ sa klun fiti i ´bo nun lɔ. Be nga be fa bé wla'n gua Ezipt famiɛn'n su'n, kɛ ɔ ti sɔ man be-ɔ.

Zeremi 2:18

?Ezipt lɔ Nil nzue'n ba'n i nzue nɔnlɛ'n ɔ wa yo wɔ sɛ? ?Asiri lɔ Efrat nzue ba'n i nzue i nɔnlɛ'n ɔ wa yo wɔ sɛ?

Zeremi 2:36

?Ɔ yo sɛ yɛ man a kaci ajalɛ ndɛndɛ sa-a? Ezipt'n kusu ɔ wa gua ɔ́ nyin ase kɛ Asiri'n fa guali ɔ́ nyin ase'n sa.

Zeremi 2:37

Kɛ a fin lɔ ´ba'n, ɔ́ sa'n gua ɔ́ ti, afin Anannganman klo-man sran nga a nin be di anuansɛ lɛ'n. A su nyan-man ɔ́ ti.

Zeremi 21:1

Kɛ Sedesias sunmannin Pasir b'ɔ ti Malkiza i wa'n ɔ nin Sofoni b'ɔ ti Nyanmiɛn nyrun jranfuɛ'n Zeremi b'ɔ ti Maazeza i wa'n i wun lɔ'n, yɛ Anannganman'n kannin ndɛ ng'ɔ o yɛ'n kleli Zeremi-ɔ. Famiɛn waan be wa se Zeremi kɛ:

Zeremi 21:2

«Nɛbikadnɛzar b'ɔ ti Babilɔni famiɛn'n ɔ'a fa alɛ ɔ'a wla ye sin, i ti usa Anannganman sa man ye. Sɛ ɔ ´yi i atrɛ'm be nun kun man ye nan e kpɔfuɛ sɔ'm be ´wanndi kɔ o!»

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 37:5

Yɛ Babilɔnifuɛ'm be tili i kɛ Ezipt famiɛn'n i sonja'm be su tu ajalɛ Ezipt lɔ be ´ba, i ti Babilɔnifuɛ'm be tuli be bo Zerizalɛm anuan nun lɛ be cuɛnnin bé wun.

Zeremi 37:6

Yɛ Anannganman'n i nuan toli Zeremi-ɔ. Ɔ seli i kɛ yoo:

Ngwlɛ Yilɛ 1:7

Kɛ Zerizalɛm ´wun nyrɛnnɛn b'ɔ ´wlan daan'n, blɛli yɛ ɔ'a wun kɛ kannzu laa ɔ o fɛ nun-ɔn. Kɛ Zerizalɛmfuɛ'm be kpɔfuɛ'm be fali klɔ'n, bɔ sran fi ɔ'a ba-man be delɛ'n, ɔ yoli be kpɔfuɛ'm be klanman, ɔ kleli be srilɛ.

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ezekiɛl 17:17

Kannzɛ bɔ Ezipt famiɛn'n ɔ fali alɛ kunfuɛ kpanngban fa mɛnnin i'n, be su kwlɛ-mɛn i uka, blɛ bɔ Babilɔnifuɛ'm be ´kplan be nyrɛn, be ´fu kunman nan be ´nunnun sran kpanngban'n.

Ezekiɛl 29:16

Izraɛlfuɛ'm be su fa-man bé wla gua-man be su kun. Be su fa-man bé wun be ko wlɛ-mɛn i sa tɛ yolɛ nun kun Eziptfuɛ sɔ mun bɔ be flɛ be kɛ be wa uka be'n ti. Yɛ be wa si jrɛiin kɛ min yɛ n ti Anannganman Nyanmiɛn nin-ɔn.› »

Ezekiɛl 30:22

Siɛn'n, Anannganman Nyanmiɛn wan yoo: Nian, e nin Ezipt famiɛn'n e lɛ i. M ´bubu i sa mun, ng'ɔ nian bu-man nin o, nin nga ɔ'a bu laa nin o. N ´yo man tokofi'n ɔ fin i sa nun tɔ kpɔkplɔkpɔ.