Zeremi 36:3 - NYANMIƐN NDƐ'N 1998

³ I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 36:3 ပူးပေါင်းရင်းမြစ်များ

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Jue Mun 139:24

Sɛ a nian nan atin nga n wo su'n ti tɛ'n, fa min sie ɔ bɔbɔ wɔ atin liɛ'n su.

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 18:8

Sanngɛ sɛ nvle nga n kɛnnin i ndɛ sɔ'n i nunfuɛ'm be yaci sa tɛ yolɛ'n, n kaci aniɛn'n, sa nga min waan n ´fa yo be'n, n fa fli be.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 26:3

Nja, sɛ be ti-ɔ, sɛ be kwlaa be ´yaci bé sa tɛ yolɛ nin o. I liɛ'n, wuun akunndan tɛ nga be aeliɛ tɛtɛ'n ti n sunnzunnin i nin be'n, n ´fa fli be.› »

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Ezekiɛl 12:3

Klɔ sran, fa ninnge bɔ sran nga be ´fɛ i kɔ kanga-a ɔ fa'n, nan wia klengle kpa'n nun bé nyin bo lɛ, kɔ lika uflɛ. Jaso lika nga a o nun'n nun lɛ kɔ lika uflɛ, kɔ be nyrun lɛ. Sɛ wienun-ɔn be ´wun i sɔ'n wlɛ nan be ´si kɛ be ti sran bɔ be nyin ti kekle o.

Ezekiɛl 18:23

?Amun bu i kɛ n klo kɛ klunwifuɛ'm be wu? Nga n klo'n yɛlɛ kɛ klunwifuɛ'm be kaci be nzuɛn'n nan be nyan nguan.» Anannganman Nyanmiɛn'n yɛ ɔ kan sɔ-ɔ.

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Matthieu 13:15

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma a wun-mɛn i, bé su a ti-man, b'a wun-mɛn i wlɛ, yɛ b'a sa-man bé sin min wun nan m'an yo-man be juejue .›

Marc 4:12

nan kɛ be niɛn i kpa'n, b'a wun-mɛn i, yɛ kɛ be ti i kpa'n, b'a wun-mɛn i wlɛ nan b'a sa-man be sin Nyanmiɛn wun, nan ɔ'a yaci-man bé wun sa'n ɔ'a cɛ-man be .»

JÉSUS-CHRIST I DYASIN FE'N BO LUC KLELI'N 20:13

Fie i fuɛ'n seli kɛ: ‹?N ´yo i sɛ? M ma sunman min wa yasua'n b'ɔ ti min anwlɛn su ba'n, wienun-ɔn i liɛ'n be ´bu i sran.›

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Sa nga bé yôli'n 28:27

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma'n ɔ'a wun-mɛn i, nan bé su'n ɔ'a ti-man, nan b'a wun-mɛn i wlɛ yɛ b'a sa-man bé sin min wun nan m'an yo-man be juejue .›

Sa nga bé yôli'n 3:19

Ɔ man an `kaci amun nzuɛn'n, yɛ an `sa amun sin Nyanmiɛn wun man ɔ yaci sa nga an yoli i'n cɛ amun mlɔnmlɔnmlɔn'n, nan blɛ ng'ɔ ´ba lɔ'n, e Min Nyanmiɛn'n ɔ man amún wla gua ase,

Mmla'n 30:2

Amun wa sa amún sin amun ´ba Anannganman amun Nyanmiɛn'n i sin ekun, amun ´ti i aniɛn'n. Ndɛ nga n ´kan kle amun ndɛ yɛ'n, amun nin amun osu nunfuɛ mun, amun ´fa amun wla'n guɛ i kwlaa'n su, yɛ amun akunndan'n ɔ ´tran su.

Mmla'n 30:8

Kpɛkuun, amun wa sa amun sin amun ´ba Anannganman amun Nyanmiɛn'n i sin ekun, amun nyin ´yi i yɛ amun ´fɛ i mmla nga n ´fa man amun ndɛ yɛ'n i kwlaa su.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»