Zeremi 36:2 - NYANMIƐN NDƐ'N 1998

² «Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Zeremi 36:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:35

?N ´nyan waan yɛ ɔ ´fɛ i su sie min nuan bo-ɔ? N kannin min ndɛ kasiɛn'n, min waan Nyanmiɛn b'ɔ kwla like kwlaa yo'n, `tɛ min su. Sa nga bɔ min kpɔfuɛ'n ɔ klɛli i mín wun'n,

Jue Mun 40:7

W'a usa-man kɛ n yi tɛ annzɛ sraka. Wɔ man n wunnin sa sɔ'n i wlɛ. W'a usa-man kɛ n yi tɛ bɔ be yrɛ i nnɛn'n kɔlikɔli'n annzɛ ɔ kpatalɛ tɛ.

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Ezai 8:1

Anannganman seli min kɛ: «Fa like paplapa dan kun nan klɛ su weiin man be wun i. Klɛ su kɛ: ‹Be `fɛn ninnge'n ndɛndɛ, be `kan bé wun be `ko fa ninnge'n.› »

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 1:5

«N si wɔ kwlaa nan m'an siesie wɔ ɔ́ nin klun lɔ. N fali wɔ n sieli i ngunmin kwlaa nan b'a wu wɔ. N dun mmua n sieli wɔ kɛ a ijɔ mín nuan kle nvle-nvle mun .»

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Zeremi 2:4

«Zakɔb akpasua sufuɛ mun, Izraɛl akpasua kunngun'n nunfuɛ mun, an `sie amún su be tie Anannganman i nuan ndɛ'n.»

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 30:2

«Min bɔ n ti Anannganman'n bɔ n ti Izraɛl Nyanmiɛn'n, min wan yoo: ‹Ndɛ nga n kan kleli wɔ'n, klɛ be kwlakwla'n fluwa kun nun.›

Zeremi 36:14

Yɛ famiɛn i awlo lɔ sran dandan'm be ´sunman Zɛidi ɔliɛ Kisi i wa Selemia i wa liɛ b'ɔ suan Nɛtania'n i klun ba liɛ nin-ɔn. Be sunmɛnnin i kɛ ɔ ko se Barik kɛ ɔ fa fluwa ng'ɔ kanngannin nun sran'm be nyrun'n bla. Yɛ Barik ´fa fluwa'n yɛ ɔ ´ba-a.

Zeremi 36:18

Yɛ Barik tɛli be su kɛ: «Zeremi-ɔ, ɔ ´kan'n, wuun n ´klɛ, ɔ ´kan'n, wuun n ´klɛ.»

Zeremi 36:23

Kɛ Zɛidi ko kanngan fluwa i bue nsan o annzɛ nnan o, wuun famiɛn'n ɔ'a fa awa'n i fluwa klɛfuɛ'n i laliɛ'n ɔ'a kpɛkpɛ nun ɔ'a guɛ i sin nun. Ɔ yoli i sɔ lele ɔ yrali fluwa'n i wunmuan'n.

Zeremi 36:29

Nan se Zozakim b'ɔ ti Zida famiɛn'n kɛ: ‹Anannganman'n waan, sa ti bɔ ɔ waan ɔ yo sɛ ti yɛ m'an klɛ i kɛ kannzɛ ɔ yo sɛ san Babilɔni famiɛn'n ɔ ´ba ɔ wa nunnun mɛn nga yɛ ɔ ´nunkun i nun sran nin nnɛn mun, b'ɔ man a yrali fluwa'n,

Zeremi 36:6

Ɔ man i ti nglɛmun cilɛ cɛn nun'n, kɔ ko kanngan fluwa nga m man a klɛli'n i nun kle sran mun. Kanngan Anannganman i nuan su ndɛ sɔ'n kle Zidafuɛ nga be fin be klɔ klɔ'm be su be bali mun wie.

Zeremi 45:1

Kɛ Zozias i wa Zozakim dili Zida famiɛn'n i afuɛ nnan'n su yɛ Nyanmiɛn nuan ijɔfuɛ Zeremi kannin ndɛ kleli Neriza i wa Barik yɛ i kusu klɛli-ɔ. I blɛ sɔ nun'n, Zeremi seli Barik bɔbɔ kɛ:

Zeremi 51:60

Nyrɛnnɛn sa fanunfanun ng'ɔ wa tɔ Babilɔni su'n, Zeremi klɛli i kwlakwla'n fluwa kun nun. Ndɛ sɔ mun yɛ b'a dun mmua b'a kan be ndɛ nin-ɔn.

Ezekiɛl 2:9

N ´nian-an, sran sa kun yɛ ɔ o min nyrun yɛ, fluwa bɔ be nyɔnnyɔnnin'n wo sran sa sɔ'n nun.

Ndɛ Nga Nyanmiɛn I Nuan Ijɔfuɛ Oze Kannin'n 8:12

Kannzɛ bɔ min waan man n klɛ min mmla'n kwlakwla kpan m man be'n, ɔ ti ngbɛn bé sa nun.

Mmla'n 31:24

Kɛ Moiz wieli mmla wunmuan'n klɛ fluwa kun nun'n,

Hébreu 10:7

Yɛ n seli kɛ: ‹Nyanmiɛn, min yɛ, n su ba ɔ klun sa yolɛ.› Afin be klɛli min wun ndɛ sɔ mmla fluwa'n nun .»