Zeremi 33:9 - NYANMIƐN NDƐ'N 1998

⁹ Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Zeremi 33:9 ပူးပေါင်းရင်းမြစ်များ

2 Be Nyoliɛ 20:29

Kɛ nvle'n kun nga'm be nun lɔ be tili kɛ Anannganman bɔbɔ nin Izraɛlfuɛ'm be kpɔfuɛ mun be kunnin'n, srɛ kunnin be kwlaa Anannganman ti.

Neemi 6:16

Kɛ e kpɔfuɛ'm be kwlaa be tili'n, srɛ kunnin nvle nga be mantan lɛ'n be kwlaa. Bé nyin guali ase. Be wunnin kɛ Nyanmiɛn fanngan nun yɛ junman sɔ'n wieli-ɔ.

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 40:3

Sɛ n ´kwla se'n, ɔ yili min bunman sroesroe'n i nun fiteli, ɔ yili min nnɔtiɛ b'ɔ lɛ-man bo'n i nun fiteli. Ɔ'a fa min ɔ'a sie yɛbuɛ su. N ja'n kwla asiɛ.

Ezai 43:21

Min nvle nunfuɛ bɔ n yili be'n, be ´manman min.»

Ezai 55:13

Siprɛs'm be ´fifi susrɛ'm be osu, yɛ mirt'm be ´fifi flɔn'm be osu. I sɔ'n ɔ wa yo Anannganman'n i manmanlɛ like. Ɔ ´yo nzɔliɛ kun b'ɔ ´ka lɛ tititi, b'ɔ be su yi-mɛn i lɛ le.

Ezai 60:5

Sɛ a wun be'n, ɔ́ wun wa kpaja wɔ, ɔ wun wa nyrɛn wɔ, ɔ klun wa jɔ kpa, yɛlɛ kɛ jenvie'n nuan lɔ anyanbeun'n ɔ ´kaci ɔ́ su wa, yɛ nvle-nvlefuɛ'm be anwlɛn su ninnge kpakpa'm be kusu be kaci ɔ su wa wie.

Ezai 62:1

Siɔn, n klo wɔ, i ti n su muan-man min nuan, Zerizalɛm n klo wɔ, i ti n su tran-man lɛ sa ngbɛn lele san ɔ́ sa bɔ a yo i nuan su'n ɔ ´fite su wein kɛ wia'n b'ɔ fite nglɛmun'n sa, lele san delɛ bɔ Anannganman ɔ ´de wɔ'n, ɔ ´fite nglo wein kɛ tɛ bɔ be sɔ i nuan b'ɔ kpaja'n sa.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Ezai 62:4

Be su flɛ-man wɔ kɛ klɔ Bɔ B'a Niɛn-mɛn i Nyrun Kun. Be su flɛ-mɛn ɔ mɛn'n kɛ Lika Srolo kun. Sanngɛ be ´flɛ wɔ kɛ Klɔ Bɔ i Wun Yo Min Fɛ'n. Be ´flɛ wɔ mɛn'n kɛ Bla Bɔ Lɛ Bian. Afin ɔ́ wun ´yo Anannganman i fɛ, yɛ sɛ n kwla ´se'n, wɔ asiɛ'n ɔ ´nyan bian.

Ezai 62:7

Nán amun yaci i diin, amun `yo i sɔ lele man ɔ fa Zerizalɛm `sie i laa osu'n nun, amun `yo i sɔ lele man ɔ fa Zerizalɛm yo asiɛ wunmuan i anyrunnyan like.

Ezai 64:2

abonuan ninnge bɔ a ´yo be'n b'ɔ ´fu be nun'n ti. Sakpa, sɛ a su jra wa'n, wuun oka'm be ´keje sa gbugbugbu.

Zeremi 13:11

Afin n fali Izraɛl nvle wunmuan'n ɔ nin Zida akpasua wunmuan'n n cili mín bo kɛ sran fa bé bo kplo ci i bo'n sa. N waan n ´yo sɔ nan be `yo min nvle nan n ´nyan dunman, nan be `yo min anyrunnyan like, nan n `fa be di min gbanflɛn, sanngɛ b'a fa-man bé ti b'a de-man.› »

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 24:6

N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 29:1

Zeremi klɛli fluwa Zerizalɛm lɔ ko mannin kpɛnngbɛn nga be nyin wo su'n nin Nyanmiɛn nyrun jranfuɛ mun, nin Nyanmiɛn nuan ijɔfuɛ mun, nin Izraɛlfuɛ nga be trali be lomuɛn Zerizalɛm lɔ ɔli Babilɔni'n be kwlaa.

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Zeremi 31:14

N ´yo man min nyrun jranfuɛ'm be ´nyan like kpakpa be ´di. N ´yo man ninnge kpakpa'n ´sin yia min sran mun.» Anannganman'n yɛ ɔ kan sɔ-ɔ.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Zeremi 32:42

Anannganman'n wan yoo: «Like nga n yoli bɔ n fali nyrɛnnɛn dan nga n yili i Zida mɛn'n su'n, i kunngba'n yɛ n ´yo man be ´wun ndɛ fɛ nga n ´kɛn i yɛ'n kwlaa wlɛ-ɔ.

Zeremi 33:14

«Anannganman waan: ‹Cɛn wie lele Izraɛl osu'n nin Zida osu'm bé wun ndɛ fɛ nga n kannin'n, n ´yiɛ i nuan.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Zeremi 49:25

Ee! Klɔ'n bɔ laa ɔ ti sa wluwlu'n yɛ ɔ'a tɔ srolo sɔ-ɔ! Aklunjuɛ klɔ'n, i yolɛ bɔ ɔ'a yo'n yɛ!

Ezekiɛl 26:20

N ´fa wɔ n kɔ blɔlɔ lɔ a to be nga be wuli'n be lɔ. A wa ka mɛn ng'ɔ wo asiɛ'n i bo lɔ'n nun kɛ lalafuɛ klɔ nga be sacili'n sa, a wa to be nga be dun mmua be wuli ɔ nyrun'm be lɔ. A su kwla fite-man gua su wa kun. A su tran-man asiɛ nga sran'm be tran su wa'n su wie kun.

Ezekiɛl 36:35

Be ´se kɛ: ‹Mɛn ng'ɔ sacili mlɔnmlɔn'n ɔ'a kaci kɛ Edɛni fie'n sa, yɛ i klɔ nga be sacili bɔ be tɔli srolo'n, bɔ be bubuli'n, b'a si bé wun yɛ b'a tran nun.›

Ezekiɛl 39:13

Mɛn'n bɔ be o nun i nun sran'm be kwlaa be ´sie be yɛ be ´nyan su dunman blɛ bɔ n ´yi min nyrun bɔ n lɛ i'n i nglo'n. Min Anannganman Nyanmiɛn yɛ n kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Zakari 1:17

Kan gua su kɛ: ‹Anannganman b'ɔ sie mɛn wunmuan'n waan: Min klɔ'n su ninnge'm be wa yo ye. N ´fɔnvɔ Siɔn, n ´fɛ i n ´fa yo min liɛ ekun kɛ laa'n sa.› »

Zakari 12:2

I waan: «N wa yo man Zerizalɛm ´yo kɛ ondoman sa, min ya'n bɔ n fa sunnzun nzan'n, ɔ ´yi i. Kpɛkuun nvle nga be mantan lɛ'n, be kwlaa be ´nɔn be ´bo. Ɔ ´bo Zidafuɛ mun bɔbɔ blɛ nga be kpɔfuɛ'm be wa sin yia Zerizalɛm'n.

Mmla'n 30:5

Ɔ ´fa amun ´ba amun nannan'm be lika'n nun, yɛ amun ´fa. Ɔ ´yo amun kpa, ɔ ´yo man amun ´sɔn tra amun nannan mun.