Zeremi 33:4 - NYANMIƐN NDƐ'N 1998

^4-5 Min Anannganman bɔ n ti Izraɛl Nyanmiɛn'n, ndɛ nga n kan'n yɛ. Klɔ nga nun sua mun nin Zida famiɛn'n i sua nga be nin Babilɔnifuɛ mun be ´ko kun alɛ bɔ fuɛn'm be ´yi be'n, bé wun ndɛ yɛ n wa kan kle wɔ-ɔ. N ´fa ya n ´kun sran mun be ´yi sua sɔ mun. Klɔ nga sufuɛ'm be aeliɛ tɛtɛ'n ti n su nian-man be nyrun.

Zeremi 33:4 ပူးပေါင်းရင်းမြစ်များ

Ezai 22:10

Amun kali Zerizalɛm klɔ'n nun sua mun. Amun bubuli be nun wie mun, amun fali be yɛbuɛ'm be yoli talɛ ng'ɔ sisi klɔ'n i wun'n kɛ ɔ ´yo nan ɔ'a yo kekleke'n ti.

Ezai 32:13

Min nvle'n nunfuɛ'm be asiɛ'n, ndre tɛ'n yɛ ɔ'a fu nun siɛn nin-ɔn, yɛ owie-owie'm b'a fifi nun. Klɔ'n bɔ be si able su'n, ndre tɛ sɔ'n ɔ'a fu nun wie, yɛ owie sɔ'm b'a fifi nun wie.

Ezai 32:14

Famiɛn'n i awlo'n, b'a tu nun, klɔ'n bɔ i su ti wluwlu'n, sran fi nun-man su kun. Kpɔlɛ'n nin sasawlɛ sua'n b'a ka lɛ ngbɛn, be ´ka lɛ sɔ tititi. Lɛ yɛ blo aflunmun'm be kan ngowa-a, lɛ yɛ nnɛn'm be didi-ɔ.

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Ngwlɛ Yilɛ 2:7

E Min'n ɔ'a bu-mɛn i bɔbɔ i sɔwlɛ'n i like kun. I bɔbɔ i tranwlɛ'n, ɔ'a niɛn-mɛn i lika kun. Ɔ fali Siɔn i sua nglanman mun mannin e kpɔfuɛ mun. Kpankpanlɛ nga be fa kpankpan Nyanmiɛn i sua dan nun'n, ɔ ti-man blɛblɛ. A wun i sa-a ɔ waan cɛn yɛ be su di-ɔ.

Ezekiɛl 21:22

M bɔbɔ n kusu, n ´fin mín sa klun kplo, yɛ n ´fa min ya'n lele n ´guɛ i ti nin i bo. Min Anannganman yɛ n kan sɔ-ɔ.»

Ezekiɛl 26:8

Ɔ ´nunnun klɔ nga be mantan jenvie nuan lɛ'n. I sin i sonja'm be ´fu kunman bɔ be fia be nun be kun alɛ'n, be ´yo asiɛ klunndunngluun bɔ be fu jran su'n yɛ be ´yo nyrɛn kɛ talɛ sa.

Ezekiɛl 4:2

Kɛ be nian nzɔliɛ sɔ'n, man ɔ kle weiin kɛ b'a utu klɔ'n, nan b'a fu kunman b'a sin a yiɛ i, b'a si i wun talɛ yɛ b'a fa alɛ ninnge mun b'a siesie i wun sɛsɛsɛ a sin a yia nun.

Abakik 1:10

Be bu-man famiɛn'm be like fi. Be to siefuɛ'm be mma. Klɔ nga be si bé wun'n, be fata-man be like fi. A ´nian-an, b'a gua fa, b'a fu su b'a fa klɔ sɔ mun.

Mmla'n 20:20

Waka nga amun si kɛ be di-man bé su mma'n, be yɛ amun `kpɛ be bo-ɔ. Amun `fa kplan klɔ nga amun nin i kun'n i wun like wie bɔ amun fu su nan amu'an nyɛn i.