Zeremi 33:2 - NYANMIƐN NDƐ'N 1998

² Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

Zeremi 33:2 ပူးပေါင်းရင်းမြစ်များ

Jue Mun 102:16

Man mɛnfuɛ'm be kwlaa be nyin yi Anannganman. Man asiɛ'n su famiɛn'm be wun kɛ i dan'n fa ti ju'n.

Jue Mun 87:5

Sanngɛ Siɔn liɛ'n, be ´se kɛ: «Sran sɔ'm be kwlaa bé ti nin bé bo'n, yɛlɛ lɛ.» Nyanmiɛn bɔ like fi nun-mɛn i sin'n, i yɛ ɔ wlali Siɔn klɔ sɔ'n i ase-ɔ.

Ezipt Lɔ Tulɛ'n 15:3

Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 37:26

Sankerib ɔ kpa'n, a si-man kɛ n siesieli sa sɔ mun lalaa ɔ'a cɛ. Nán ndɛ yɛ m'an gugu kɛ be `ju-ɔ. Sa nga n sieli be laa'n, be su ju ndɛkɛn. Min yɛ man a fali klɔ nga be si bé wun talɛ bɔ yɛbuɛ ngunmin yɛ ɔ ka be osu lɛ nin-ɔn.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 43:21

Min nvle nunfuɛ bɔ n yili be'n, be ´manman min.»

Ezai 62:7

Nán amun yaci i diin, amun `yo i sɔ lele man ɔ fa Zerizalɛm `sie i laa osu'n nun, amun `yo i sɔ lele man ɔ fa Zerizalɛm yo asiɛ wunmuan i anyrunnyan like.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 16:21

Anannganman waan: «I sɔ'n ti n wa kle be kɛ n lɛ kwlalɛ yɛ n kwla. Ɔ man be wa si kɛ min dunman'n yɛlɛ Anannganman.»

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.

Amɔs 9:6

Nyanmiɛn kplannin i bɔbɔ i sua'n nglo lɔ. I sua ja'n wo asiɛ'n su wa. Kɛ ɔ flɛ jenvie'n, wuun jenvie sɔ'n ɔ'a de asiɛ wunmuan'n. Nyanmiɛn sɔ'n i dunman yɛlɛ Anannganman.

Hébreu 11:10

Afin ɔ minndɛ klɔ kpa nga be wlɛli i sua'm bé bo ase kpa'n, bɔ Nyanmiɛn bɔbɔ yɛ ɔ jajali yɛ ɔ kplannin'n.

Hébreu 11:16

B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .

Sa nglô yile 21:10

Nyanmiɛn Wawɛ jrali min su, yɛ ɔ yo n kɛ anz'n ɔ'a fa min ɔ'a ɔ oka dan fleiin kpa kun su sa. Ɔ kleli min Nyanmiɛn klɔ'n b'ɔ fin Nyanmiɛn wun lɔ jrali'n bɔ yɛlɛ Zerizalɛm'n .

Sa nglô yile 21:2

Yɛ n wunnin Nyanmiɛn klɔ'n, ɔ fin i wun lɔ ɔ su jra. Ɔ ti kɛ atɔnvlɛ bɔ ɔ'a fɛfɛ i wun ɔ su minndɛ i wun'n sa. Klɔ sɔ'n yɛlɛ Zerizalɛm uflɛ'n .