Zeremi 32:9 - NYANMIƐN NDƐ'N 1998

⁹ Yɛ n toli Anatɔt lɔ lika sɔ'n min niaan Anameɛl i sa nun-ɔn. N fali i ti sika jɛtɛ ufue blu-nin-nso m mɛnnin i.

Zeremi 32:9 ပူးပေါင်းရင်းမြစ်များ

Bo Bolɛ 24:22

Kɛ nyɔnngɔnmɛn'm be nɔnnin nzue'n wieli'n, bian'n fali bé sama ti nga kun, ɔ ti sika ɔkwlɛ, ɔ ti gram nsiɛn, yɛ ɔ fali bé sa kɔmin nun nga nnyɔn, kun ti gram ya tra su, kun ti gram ya tra su ɔ fa be mɛnnin i.

Bo Bolɛ 37:28

Kɛ Madian aata difuɛ'm be ´sin'n, Zozɛf i niaan'm be yili i kunman'n nun fiteli nan b'a yo i atɛ Ismaɛlfuɛ sɔ'm bé sa nun. Sran sɔ'm be toli i jɛtɛ mma ablaɔn nan be nin i b'a ɔ Ezipt.

1 Famiɛn Mun 20:39

Kɛ famiɛn'n ´sin'n, Nyanmiɛn nuan ijɔfuɛ'n kpan seli i kɛ: «E o alɛ'n su, kpɛkuun sran kun wa toli min. Ɔ ´ba-a, ɔ'a tra sran kun lomuɛn, ɔ nin i yɛ be bali-ɔ. Yɛ ɔ seli min kɛ: ‹Nian sran nga su. Sɛ ɔ wanndi'n, a ´sin i osu a ´yo kanga, annzɛ kusu a ´tua min jɛtɛ ufue mma akpi nsan (3.000).›

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Ɛstɛr 3:9

Sɛ a klo'n, man be klɛ bé wun fluwa kɛ be nunnun be kpɛkun. N ´sunnzun sika tɔnun ya nsan m ´man komin mun nan be fa gua ɔ bɔlɛ'n nun.»

Ezipt Lɔ Tulɛ'n 21:32

Sɛ nannin'n ko si kanga bla annzɛ kanga yasua nan ɔ kun i'n, sran ng'ɔ lɛ nnɛn'n, ɔ `man kanga'n i min'n i jɛtɛ ufue ablasan, yɛ man be fa yɛbuɛ be kun nannin'n.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Ezekiɛl 4:10

Aliɛ ng'ɔ fata kɛ a di i cɛn kun nan w'a la'n, nán man ɔ ju kilo bue kun. Ng'ɔ fata kɛ a di i blɛ sɔ nun'n yɛ ɔ o lɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 3:2

Yɛ n ´fa jɛtɛ ufue mma blu-nin-nnun nin ɔrz kpankpan nsiɛn yɛ n ´fa ja bla sɔ nin-ɔn.