Zeremi 32:8 - NYANMIƐN NDƐ'N 1998

⁸ Kpɛkuun sakpa-sakpa, min niaan Anameɛl wa toli min bisua lɔ kɛ Anannganman'n fa kannin'n sa. Ɔ seli min kɛ: ‹Min fie lika ng'ɔ o Bɛnzamɛn lika'n nun Anatɔt lɔ'n, to. Wɔ yɛ aja'n ɔ'a to wɔ-ɔ!› N wunnin kɛ kannzu Anannganman'n yɛ ɔ kannin ndɛ sɔ nin-ɔn.

Zeremi 32:8 ပူးပေါင်းရင်းမြစ်များ

1 Famiɛn Mun 2:26

Famiɛn'n seli Abiatar b'ɔ ti Nyanmiɛn nyrun jranfuɛ'n kɛ: «Kɔ Anatɔt ɔ lika'n nun lɔ. A nin wulɛ fata, sanngɛ be su kun-man wɔ ndɛkɛn, afin a suali Anannganman i alaka'n mín si i blɛ su, yɛ kusu afɛ kwlaa nga min si fɛli'n, a nin i yɛ be fɛli-ɔ. »

1 Famiɛn Mun 22:25

Mise tɛli i su kɛ: «Cɛn nga a wa wanndi ko fia ɔ sua ba'n kun i longo kpa nun'n yɛ a ´wun i wlɛ-ɔ.»

1 Be Nyoliɛ 6:60

Ikɔk nin lika nga be o i asa'n su'n, Rɛɔb nin lika nga be o i asa'n su'n,

Zeremi 1:1

Ndɛ nga Zeremi kannin'n yɛ ɔ o yɛ. Bɛnzamɛn nvle'n nun lɔ klɔ nga be flɛ i kɛ Anatɔt'n, lɔ Nyanmiɛn nyrun jranfuɛ'm be nun kun bɔ be flɛ i kɛ Ilkiza'n i wa yɛlɛ Zeremi.

Zeremi 32:2

Kɛ ɔ ´kan kle i sɔ'n, wuun Babilɔni sonja'm b'a bo b'a sin b'a yia Zerizalɛm klɔ'n, wuun b'a wla Nyanmiɛn nuan ijɔfuɛ Zeremi i bisua Zida famiɛn'n i awlo'n nun lɔ.

Zeremi 32:25

Anannganman Nyanmiɛn kpli, ɔ bɔbɔ a seli min kɛ: ‹To fie kun, sɛ a ´to-ɔ, man lalofuɛ'm be trɛn i bo.› Kusu klɔ'n yɛ Babilɔnifuɛ'm be su wie i fa yɛ.»

Zeremi 32:7

‹Salɔm i wa liɛ bɔ be flɛ i Anameɛl b'ɔ nin wɔ be ti yasua nga wa yasua nga wa'n, ɔ wa to wɔ, ɔ ´se wɔ kɛ: To min fie ng'ɔ o Anatɔt lɔ'n, afin wɔ yɛ aja'n ɔ'a to wɔ-ɔ.›

Zeremi 33:1

Kɛ Zeremi tɛ o bisua gladi dilɛ awlo'n nun lɔ'n, Anannganman'n kannin ndɛ kleli i ekun.

Zeremi 37:12

Zeremi fɛli i lɛ ɔli Zerizalɛm Bɛnzamɛn akpasua'n su lɔ, kɛ ɔ yo sɔ'n, wuun be su cɛ be awlo bo asiɛ'n yɛ ɔ kɔ nan ɔ ko fɛ i liɛ lika'n.

Ezekiɛl 12:7

N yoli nga Nyanmiɛn waan n yo'n. N fali mín bo ninnge mun n fiteli kɛ sran bɔ b'a a trɛ i lomuɛn'n sa. Nnɔsua'n, n fitili talɛ'n ɔ nin mín sa, yɛ n fali min ninnge mun m boli nun tuun nun lɔ, n suali be min wati su be nyrun lɛ.

Zakari 11:11

Kpɛkuun aenguɛ'n ka lɛ wieli. Kpɛkuun be nga be fia be yo bua'm be atɛ'n bɔ bé nyin wo min su'n, be wunnin kɛ kannzu ndɛ nga n kannin'n, Anannganman'n yɛ ɔ fa wlali mín nuan yɛ n kannin-ɔn.

Jean 4:53

Kɛ be seli i sɔ'n, yɛ ɔ wunnin i wlɛ kɛ dɔ kunngba sɔ'n su yɛ Jésus seli i kɛ i wa'n ɔ'a yo juejue nin-ɔn. Ɔ man ɔ nin i awlofuɛ'm be kwlaa be lafili i su.