Zeremi 32:7 - NYANMIƐN NDƐ'N 1998

⁷ ‹Salɔm i wa liɛ bɔ be flɛ i Anameɛl b'ɔ nin wɔ be ti yasua nga wa yasua nga wa'n, ɔ wa to wɔ, ɔ ´se wɔ kɛ: To min fie ng'ɔ o Anatɔt lɔ'n, afin wɔ yɛ aja'n ɔ'a to wɔ-ɔ.›

Zeremi 32:7 ပူးပေါင်းရင်းမြစ်များ

1 Famiɛn Mun 14:5

sanngɛ Anannganman dun mmua kan kleli i kɛ: «Zeroboam i yi'n yɛ ɔ ´ba lɛ-ɔ. Ɔ ba ɔ wun wunlɛ. I wa yasua'n ti yɛ ɔ ba-a. Ba'n i wunnɛn yo i ya. Ndɛ nga n ´kan kle wɔ'n, yɛ fa tɛ i su-ɔ. Ɔ fa tralɛ wlɛ-wlɛli i wun nan nán be si kɛ i-ɔ.»

Zeremi 1:1

Ndɛ nga Zeremi kannin'n yɛ ɔ o yɛ. Bɛnzamɛn nvle'n nun lɔ klɔ nga be flɛ i kɛ Anatɔt'n, lɔ Nyanmiɛn nyrun jranfuɛ'm be nun kun bɔ be flɛ i kɛ Ilkiza'n i wa yɛlɛ Zeremi.

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 32:6

Zeremi waan: «Anannganman'n kannin ndɛ kun kleli min. I waan:

Zeremi 32:8

Kpɛkuun sakpa-sakpa, min niaan Anameɛl wa toli min bisua lɔ kɛ Anannganman'n fa kannin'n sa. Ɔ seli min kɛ: ‹Min fie lika ng'ɔ o Bɛnzamɛn lika'n nun Anatɔt lɔ'n, to. Wɔ yɛ aja'n ɔ'a to wɔ-ɔ!› N wunnin kɛ kannzu Anannganman'n yɛ ɔ kannin ndɛ sɔ nin-ɔn.

Saun Yolɛ 25:23

«Be kwla yo-man asiɛ kun atɛ sran kun sa nun sa mlɔnmlɔn. Afin asiɛ'n ti m bɔbɔ min liɛ. Amun kusu amun ti kɛ aofuɛ sa, amun ti kɛ kpe-nun-sinfuɛ sa mín sa nun .

Saun Yolɛ 25:24

I sɔ'n ti'n, mɛn'n nga n ´fa m ´man amun'n i nun asiɛ mun'n, amun `kpɛ mmla sie bé su. Mmla ng'ɔ ´kle kɛ sɛ sran kun yoli i asiɛ wie i atɛ'n ɔ ´kwla kpɔ'n, amun `kpɛ i sɔ mmla'n.

Saun Yolɛ 25:25

Sɛ yalɛ di amun niaan kun nan ɔ yo i asiɛ'n i bue kun atɛ'n, i osufuɛ ng'ɔ mɛntɛn i koko bɔ i yɛ ɔ kpɔ asiɛ sɔ nin-ɔn ɔ yo ye'n, man ɔ kpɔ mɛn i.

Saun Yolɛ 25:34

Fie nga be mantan-mantan Levifuɛ'm be klɔ'm be lɛ'n, ɔ fata-man kɛ be yo be atɛ, afin be ti Levifuɛ'm be liɛ mlɔnmlɔn.»

Saun Yolɛ 25:49

Sɛ i si i niaan wie o lɛ'n, ɔ kwla yo. Wie kusu-ɔ, i si i niaan bian sɔ'n i wa yasua wie kwla yo. Wie kusu ekun'n, sɛ i akpasua'n su sran uflɛ o lɛ b'ɔ nin i be mantan kpa'n, ɔ kwla yo. I bɔbɔ kusu sɛ ɔ nyɛn i wun alaje'n, ɔ kwla kpɔ i wun.

Kalɛ 35:2

«Se Izraɛlfuɛ'm be kɛ be man Levifuɛ'm be klɔ'm be wie man be tran su. Man be man klɔ sɔ mun asiɛ nga be ti be bɔbɔ be liɛ'n be su. Kpɛkuun be `fa asiɛ ng'ɔ mantan Levifuɛ'm be klɔ'n man be ekun.