Zeremi 32:43 - NYANMIƐN NDƐ'N 1998

⁴³ Mɛn nga amun waan ɔ'a tɔ srolo nan sran nin nnɛn nun-man su'n, klɔ nga amun waan Babilɔnifuɛ'm b'a fa'n, be ´to fie wa ekun.

Zeremi 32:43 ပူးပေါင်းရင်းမြစ်များ

Zeremi 32:15

Nan Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹Be ´to sua nin fie lika, ɔ nin vinyi fie mɛn ng'ɔ o yɛ'n nun wa ekun.› »

Zeremi 32:25

Anannganman Nyanmiɛn kpli, ɔ bɔbɔ a seli min kɛ: ‹To fie kun, sɛ a ´to-ɔ, man lalofuɛ'm be trɛn i bo.› Kusu klɔ'n yɛ Babilɔnifuɛ'm be su wie i fa yɛ.»

Zeremi 32:36

Sanngɛ klɔ nga amun waan Babilɔni famiɛn'n ´fa alɛ nin awe, ɔ nin tukpacɛ b'ɔ sa ndɛndɛ'n ɔ ´fa'n, i wun ndɛ bɔ Anannganman b'ɔ ti Izraɛl Nyanmiɛn'n kan gua su'n yɛ. I waan:

Zeremi 33:10

Anannganman'n wan yoo: «Klɔ nga amun waan ɔ'a saci nan sran nin nnɛn fi nun-man su kun'n, Zida klɔ nin Zerizalɛm akpɔ mun bɔ amun waan b'a tɔ srolo man sran nin nnɛn fi nun-man be su kun'n, sran'm be wa bo sro lika sɔ'm be nun, be ´ti be ngan. Be wa ´to aklunjuɛ jue. Yasua annzɛ bla nga b'a ja be wun uflɛ uflɛ'n be ´to jue. Be bɔ be to jue ng'ɔ o yɛ'n, be ´ti be nɛn ekun. Be waan: ‹Man be manman Anannganman b'ɔ sie mɛn wunmuan'n, afin ɔ ti kpa yɛ i klun-ufue'n wo lɛ tititi.› Be nga be fa bo kun yolɛ i su tɛ nnɛn'n be fa ba Anannganman i sua'n nun'n, be ´ti be nɛn'n. Afin mɛn nga nun sran bɔ be trali be lomuɛn'n, n ´fa be m ´ba. N ´fa be n ´sie be osu laa'n nun.» Anannganman'n yɛ ɔ kan sɔ-ɔ.

Zeremi 33:12

Anannganman b'ɔ sie mɛn wunmuan'n wan yoo: «Lika nga ɔ'a nunnun bɔ sran nin nnɛn fi nun-man nun'n, nnɛn sunianfuɛ'm be wa nyan be lika bɔ i nun yɛ nnɛn'm be ´la-a. Be ´nyan wie lika sɔ'n i klɔ dandan'm be su kusu.

Ezekiɛl 28:26

Be ´tran lɛ fɔuun, be ´kplan sua yɛ be ´ta vinyi. Be ´tran lɛ fɔuun, yɛlɛ kɛ be nga be yoli be finfin'n, n wa tu be fɔ. Yɛ be wa si jrɛiin kɛ min yɛ n ti Anannganman be Nyanmiɛn nin-ɔn.› »