Zeremi 32:40 - NYANMIƐN NDƐ'N 1998

⁴⁰ E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Zeremi 32:40 ပူးပေါင်းရင်းမြစ်များ

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

Jue Mun 80:19

Yɛ e su kpɔci-man wɔ kun. Man e nguan, wɔ yɛ e ´su wɔ-ɔ.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 31:34

Sran kun su kle-mɛn i wiengu like. Sran kun su se-man i niaan kun kɛ: ‹Mantan Anannganman'n.› Yɛlɛ kɛ, kɛ ɔ fɛ i be kanngan'm be nun lele b'ɔ ´fa ju be kpɛnngbɛn'm be nun'n be kwlaa be ´si min. Sa nga be yoli min'n, n ´yaci n cɛ be. N su bo-man be sa tɛ'n su di-man jɔlɛ kun .»

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Ezekiɛl 36:27

N ´fa min Wawɛ'n n ´wla amun nun. N ´yo man amun ´fa min mmla nin mín nuan su ndɛ'm be su.

Ezekiɛl 37:26

N ´si min wue'n nun m ´man be aunjuɛ kpa. Yɛ aunjuɛ sɔ'n ɔ ´ka lɛ titi. N ´fa be n ´sie. N ´yo man be ´trɛ.

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.

Mise 4:5

Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Mmla'n 31:6

Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

Mmla'n 31:8

Anannganman bɔbɔ ɔ ´dun ɔ nyrun mmua. Ɔ ´jran ɔ́ sin. Ɔ su kpɔci-man wɔ, ɔ su yi-man wɔ ase. Ɔ man, nán srɛ kun wɔ, nán usu.»

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

Hébreu 4:1

Man e nian é wun kpa, afin Nyanmiɛn seli kɛ e ´ju wunmiɛn delɛ lika ng'ɔ siesie mannin ye'n nun. I sɔ'n ti, nán man ɔ yo kɛ amun nun wie ɔ'a ju-man lika sɔ'n nun lɔ wie.

Hébreu 7:24

sanngɛ Jésus liɛ'n, kɛ ɔ wu-man'n ti'n, i Nyanmiɛn nyrun jranlɛ'n, be su fa man-man sran uflɛ.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.