Zeremi 32:32 - NYANMIƐN NDƐ'N 1998

³² Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 32:32 ပူးပေါင်းရင်းမြစ်များ

Ɛsdras 9:7

Kɛ ɔ fɛ e nannan'm be blɛ su lele b'ɔ ´fa ju ndɛ'n, sa tɛ nga y'a yo i ɔ́ wun'n ti dan. I ti yɛ man mɛn'n nun famiɛn'm be trali ye, nin e famiɛn, nin e Nyanmiɛn nyrun jranfuɛ mun e lomuɛn nin-ɔn. Yɛ i ti man alɛ ɔ'a di ye, y'a kaci kanga, e o be nga be fɛn sran'm be bo ninnge'm bé sa nun, nyannzuɛn'n ɔ'a kun ye kpo. I wie yɛ e tɛ o nun ndɛ yɛ.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 22:1

Sa b'ɔ ´ju Kongo nga be wun aolia nun ninnge'm be lɔ'n i su'n. ?Zerizalɛmfuɛ mun, nguɛ ti yɛ amun kwlakwla amun fu sua'm be su-ɔ,

Zeremi 2:26

Cɛn kun Izraɛlfuɛ'm be wa wun nyannzuɛn kɛ awiefuɛ bɔ b'a trɛ i'n sa, i sran ngbɛn mun o, i famiɛn mun o, i famiɛn i awlo lɔ sran dandan mun o, i Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, be wa wun nyannzuɛn.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 44:21

«?Ansans nga amun nin amún si, nin amun famiɛn, nin amun famiɛn i awlo lɔ sran dandan mun, ɔ nin amun mɛn'n nunfuɛ mun amun yrɛli i Zida mɛn'n nun nin Zerizalɛm mmuɛ'm be nun'n, nɛ́n i yɛ ɔ o Anannganman klun yɛ ɔ yoli i ngasi nin-ɔn?

Zeremi 7:17

?Like nga be yo i Zida klɔ'm be su'n nin Zerizalɛm akpɔ'm be su'n, ɔ bɔbɔ ɔ́ nyin ta-man nun?

Ezekiɛl 22:6

Nian ɔ́ wun, Izraɛl wlengbi'm be kwlalɛ bɔ be lɛ i'n, be fa mian-mian sran mun, yɛ be fa kun be.

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.