Zeremi 32:30 - NYANMIƐN NDƐ'N 1998

³⁰ Kɛ ɔ fɛ i lalafuɛ nun lele'n, like nga n klo-mɛn i'n cɛ yɛ Izraɛlfuɛ mun nin Zidafuɛ'm be waan be fa man be man be `yo-ɔ. Izraɛlfuɛ'm b'a yaci-man min anwlɛn fɔkɔlɛ'n le.» Anannganman'n yɛ ɔ kan sɔ-ɔ.

Zeremi 32:30 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Zeremi 11:17

Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 22:21

Blɛ nga sa fi nian ju-man'n yɛ n kan kleli wɔ-ɔ. A waan: ‹N tie-man.› Kɛ ɔ fin ɔ kaan nun lele'n, kɛ a yoli sɔ-ɔ. N kan ndɛ n kle wɔ-ɔ, a ti-man.

Zeremi 25:6

Be seli amun kɛ: ‹Nán an fa amun wun mantan amuɛn mun, nán an sɔ be, nán an koto be bo. Nán an fa amún sa nuan like man be, be kun min ya. Sɛ amu'an yo-man sɔ'n, n su yo-man amun like fi.

Zeremi 25:7

Sanngɛ nga n kan kleli amun'n, amu'an ti-man. An fali amún sa nuan ninnge mun amun kunnin min ya, ɔ man kusu sa nyannin amun.›

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 36:2

«Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Zeremi 44:3

Sa ti bɔ n yoli be sɔ'n, yɛlɛ sa tɛ bɔ be yoli be fa klɔklɔli min'n. Amuɛn nga bé si'm b'a si-man be bɔ be bɔbɔ kusu be si-man be laa'n, be ko yrali ansans mannin be, be sɔli be.

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 20:8

Sanngɛ be jasoli mín wun, yɛ bé nyin ɔ'a yi-man min. Be nun kun sa ɔ'a yi-mɛn i tete sa nga i nyin blo su'n i wie fi ase. B'a yaci-man Eziptfuɛ mun be amuɛn'm be sɔlɛ. M buli akunndan kɛ n ´fa bé wun ya nan n ´fa ya sɔ'n lele n guɛ i bo Eziptfuɛ'm be afiɛn lɔ.

Ezekiɛl 23:3

Be ko boli tekle Ezipt lɔ. Be boli tekle be talua nun, lɔ yɛ sran wie mian-miannin be nyɔnflɛn fifi nin-ɔn. Lɔ yɛ be kannin be wue'n bɔ be nian kɛn-mɛn i le nin-ɔn.