Zeremi 32:24 - NYANMIƐN NDƐ'N 1998

²⁴ Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 32:24 ပူးပေါင်းရင်းမြစ်များ

2 Samiɛl 20:15

Be ko boli be nanmue Abɛl-Bɛt-Maaka wun lɛ Seba ti. Be tiannin fa nuan klɔ'n i wun talɛ'n wun. Yɛ Zoab sa nun sran'm be tɔli talɛ'n wun-ɔn, be waan be ´bu i.

Ezai 37:33

Anannganman kan ndɛ ng'ɔ o yɛ'n ekun man Asiri famiɛn'n, i wan yoo: «Asiri famiɛn'n su wlu-man klɔ nga nun, ɔ su to-man ta wa, ɔ su kplan-man nyrɛn wa, ɔ su kplan-man kpata nga be jran su be kun alɛ'n i wa.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Zeremi 24:10

M man alɛ'n ´tɔ be su, awe'n ´kpɛn be su, tukpacɛ b'ɔ sa ndɛndɛ'n ´tɔ be su lele san be ´nunnun be ´tu lika nga n fa mannin be nin be nannan mun'n nun.› »

Zeremi 29:17

I b'ɔ sie mɛn wunmuan'n i waan: «An `nian, n wa fa alɛ nin awe, ɔ nin tukpacɛ b'ɔ sa ndɛndɛ n ´yi be su. N ´yo man be ´kaci kɛ figie mma bɔ b'a kplɔ bɔ be di be-ɔ, ɔ yo-man ye'n sa.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 32:25

Anannganman Nyanmiɛn kpli, ɔ bɔbɔ a seli min kɛ: ‹To fie kun, sɛ a ´to-ɔ, man lalofuɛ'm be trɛn i bo.› Kusu klɔ'n yɛ Babilɔnifuɛ'm be su wie i fa yɛ.»

Zeremi 32:28

Nan yoo, n ´fa klɔ nga n wla Babilɔnifuɛ'm bé sa nun. N ´fa wla be famiɛn bɔ yɛlɛ Nɛbikadnɛzar i sa nun.

Zeremi 32:3

Sedesias yɛ man be fɛ i wlɛli i lɔ-ɔ. I waan: «Ɔ yo sɛ ti yɛ a se kɛ: ‹Anannganman'n waan: M'an fa klɔ nga m'an wlɛ i Babilɔni famiɛn'n i sa nun, nan i ti ɔ wa fa nin-ɔn.

Zeremi 32:36

Sanngɛ klɔ nga amun waan Babilɔni famiɛn'n ´fa alɛ nin awe, ɔ nin tukpacɛ b'ɔ sa ndɛndɛ'n ɔ ´fa'n, i wun ndɛ bɔ Anannganman b'ɔ ti Izraɛl Nyanmiɛn'n kan gua su'n yɛ. I waan:

Zeremi 32:5

Be ´fa Sedesias be ´kɔ Babilɔni, ɔ ´ka lɔ lele san m'an ɔ i osu nianlɛ.› Nan Anannganman'n waan: ‹Sɛ amun nin Babilɔnifuɛ mun amun waan amun ´kun alɛ'n, amun su nyan-man jranwlɛ le.› »

Zeremi 33:4

Min Anannganman bɔ n ti Izraɛl Nyanmiɛn'n, ndɛ nga n kan'n yɛ. Klɔ nga nun sua mun nin Zida famiɛn'n i sua nga be nin Babilɔnifuɛ mun be ´ko kun alɛ bɔ fuɛn'm be ´yi be'n, bé wun ndɛ yɛ n wa kan kle wɔ-ɔ. N ´fa ya n ´kun sran mun be ´yi sua sɔ mun. Klɔ nga sufuɛ'm be aeliɛ tɛtɛ'n ti n su nian-man be nyrun.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 52:4

Ɔ man Nɛbikadnɛzar nin i sonja'm be kwlakwla be bali kɛ be nin Zerizalɛmfuɛ mun be ´kun. Kɛ ɔ ´yo sɔ'n, wuun Sedesias yoli famiɛn ɔ'a di afuɛ ngwlan. Afuɛ ngwlan su'n i anglo blu'n su yɛ be bali-ɔ, wuun anglo'n ɔ'a di le blu. Be boli be nanmue'n klɔ'n i sin. Lika gbagblagba nga be ko jran su ko kun alɛ'n, be kplɛnnin i sɔ kpanngban bo sin yiali klɔ'n.

Zeremi 52:6

Awe'n yoli dan klɔ'n nun. Siɛn'n, be nyan-man like be di-mɛn i kun. Anglo nnan su'n i le ngwlan su'n,

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Ezekiɛl 14:21

I sin Anannganman Nyanmiɛn'n wan yoo: «Kannzɛ bɔ nyrɛnnɛn dandan nnan nga n ´fa yi Zerizalɛm klɔ'n su'n, i alɛ o, i awe o, i nnɛn tɛtɛ o, i tukpacɛ b'ɔ sa ndɛndɛ o,

Ezekiɛl 21:22

M bɔbɔ n kusu, n ´fin mín sa klun kplo, yɛ n ´fa min ya'n lele n ´guɛ i ti nin i bo. Min Anannganman yɛ n kan sɔ-ɔ.»

Ezekiɛl 21:27

Cua ng'ɔ ti Zerizalɛm nzɔliɛ'n ɔ tɔli i sa fama'n nun. I ti ɔ wa wla i sonja'm be su nun kɛ be fa alɛ kpanlɛ be wlu lɔ. Be ´fa alɛ mannzin mun ´kɔ sie klɔ'n nun sua'm be anuan'm be nyrun lɛ. Be ´kplan nyrɛn mun. Yɛ be ´fu buɛ bɔ be fia nun be kun alɛ'n.

Ezekiɛl 26:8

Ɔ ´nunnun klɔ nga be mantan jenvie nuan lɛ'n. I sin i sonja'm be ´fu kunman bɔ be fia be nun be kun alɛ'n, be ´yo asiɛ klunndunngluun bɔ be fu jran su'n yɛ be ´yo nyrɛn kɛ talɛ sa.

Ezekiɛl 4:2

Kɛ be nian nzɔliɛ sɔ'n, man ɔ kle weiin kɛ b'a utu klɔ'n, nan b'a fu kunman b'a sin a yiɛ i, b'a si i wun talɛ yɛ b'a fa alɛ ninnge mun b'a siesie i wun sɛsɛsɛ a sin a yia nun.

Abakik 1:10

Be bu-man famiɛn'm be like fi. Be to siefuɛ'm be mma. Klɔ nga be si bé wun'n, be fata-man be like fi. A ´nian-an, b'a gua fa, b'a fu su b'a fa klɔ sɔ mun.

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.