Zeremi 32:22 - NYANMIƐN NDƐ'N 1998

²² Mɛn fɛfɛ nga a tali be nannan'm be nda kɛ a ´fa man be'n, a fa mannin be.

Zeremi 32:22 ပူးပေါင်းရင်းမြစ်များ

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 24:7

Anannganman b'ɔ ti nglo lɔ Nyanmiɛn'n ɔ flɛli min, ɔ fali min mín si i awlo'n nun kan min osufuɛ'm be tran lɔ'n, ɔ kannin ndɛ kleli min. Ɔ tali min nda seli kɛ: ‹N ´fa mɛn nga m ´man wɔ anunman mun.› Ɔ man i bɔbɔ ɔ wa sunmɛn i anz'n kɛ ɔ dun mmua ɔ nyrun nan a ko fa lɔ bla blɛ mín wa'n.

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Ezipt Lɔ Tulɛ'n 13:5

Kɛ Anannganman ko fa amun ko wɔ mɛn bɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, yɛ Zɛbisfuɛ'm be tran nun lɔ'n i nun'n, afuɛ kwlaa nun anglo kunngba nga nun'n, amun `di cɛn sɔ'n. Mɛn sɔ'n yɛ Anannganman kan kleli amun nannan'm be kɛ ɔ ´fa man amun nin-ɔn. Lɔ asiɛ'n ɔ yo like ye kpa. I kunngba'n, ɔ ti nnɛn tawlɛ klanman.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Zeremi 11:5

Kpɛkuun nda nga n tali amun nannan mun kɛ n ´fa asiɛ bɔ ti nnɛn tawlɛ klanman b'ɔ kunngba'n yo like ye'n m ´man be'n, n ´yiɛ i nuan.› I kusu yɛ amun wun i andɛ yɛ, yɛ n tɛli i su kɛ: ‹Anannganman, man ɔ yo sɔ!› »

Ezekiɛl 20:15

Aawlɛ flɛnnɛn nun lɔ'n, m bɔbɔ min ekun yɛ n tali be nda kɛ n fa-man be n kɔ-man mɛn klanman nga min waan n ´fa man be i nun lɔ kun nin-ɔn. Mɛn sɔ'n i nun lɔ asiɛ'n ɔ yo like ye kpa, yɛ i kunngba'n ɔ ti nnɛn tawlɛ klanman. Mɛn sɔ'n i klanman tra mɛn'm be kwlaa.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Kalɛ 14:16

‹Anannganman ɔ'a kwla fa-man i nvle'n ɔ'a ɔ-man mɛn nga ɔ seli i kɛ ɔ ´fɛ i kɔ nun'n i nun kun, i sɔ'n ti yɛ ɔ nunnunnin be aawlɛ flɛnnɛn'n nun lɔ nin-ɔn›?

Kalɛ 14:30

amún ja sa su tia-man mɛn nga n seli amun kɛ amun ´tran nun'n i nun wie . San Zɛfine i wa Kalɛb nin Nɛn i wa Zozie be ngunmin yɛ be ´ju lɔ-ɔ.

Mmla'n 1:35

‹Akpasua tɛ nga nun sran wie fi nyinma su ta-man mɛn nga n seli be nannan'm be kɛ n ´fa man be'n.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:23

Nan ɔ'a yi e be mɛn sɔ'n nun lɔ, nan ɔ nin e a ba mɛn nga ɔ tali e nannan'm be nda kɛ ɔ ´fa man ye'n nun.

Mmla'n 7:13

Ɔ ´klo amun, ɔ ´yo amun ye, ɔ ´yo man amun ´nyan ninnge kpanngban. Ɔ ´man amun ba kpanngban yɛ amun ´trɛ, amun fie'm be su ninnge'm be ´yo ye, amun ´nyan ble, nin nzan, nin ngo kpanngban. Amun nannin mun, nin amun bua mun, nin amun boli mun be ´trɛ mɛn ng'ɔ tali amun nannan'm be nda kɛ ɔ ´fa man amun'n nun.

Mmla'n 8:1

Ndɛ nga n ´kan kle amun yɛ'n, amun `fa be kwlaa sie, amun `fa bé su nan amu'an ka nguan nun nan amu'an trɛ, nan amu'an ko fa mɛn nga Anannganman tali nda kɛ ɔ ´fa man amun nannan mun'n.

Zozie 1:6

Jran kekle, yo yakpafuɛ, afin wɔ yɛ man nvle ng'ɔ wa nyan like nga m boli amun nannan'm be kasiɛ kɛ n ´fa man be nin-ɔn.

Zozie 21:43

Anannganman fali mɛn ng'ɔ boli bé nannan'm be kasiɛ kɛ ɔ ´fa man be'n i ngba mannin be. Be fa yoli be liɛ, be trannin nun.