Zeremi 32:19 - NYANMIƐN NDƐ'N 1998

¹⁹ Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Zeremi 32:19 ပူးပေါင်းရင်းမြစ်များ

1 Famiɛn Mun 8:32

kɛ a o Nyanmiɛn su lɔ'n, sie ɔ su nan di ɔ sufuɛ'm be jɔlɛ sɔ'n, yɛ yo ng'ɔ fata'n. Sran ng'ɔ yoli sa'n, bu i fɔ, man i sa tɛ'n kaci tɔ i bɔbɔ su. Yɛ sran kun'n kusu, man be wun kɛ ɔ ti sran kpa.

2 Be Nyoliɛ 16:9

Afin ɔ nian-nian asiɛ wunmuan'n su nan ɔ ´suan be nga be fa bé wla'n kwlaa guɛ i su'n bé bo. A nin Izraɛl famiɛn'n be afiɛn ndɛ nga nun liɛ'n, a yoli sinnzin. I ti kɛ ɔ fin ndɛ'n, be ´fa alɛ wla wɔ sin sa tititi.»

Zɔb I Nyrɛnnɛn Wunlɛ 34:11

Sa nga sran yo'n i nuan akatua yɛ ɔ fa mɛn i-ɔ. I nantilɛ'n su yɛ ɔ nian fa mɛn i ninnge mun-ɔn.

Zɔb I Nyrɛnnɛn Wunlɛ 34:21

Nyanmiɛn i nyin ta atin nga sran'm be fa'n su. Ɔ wun ajalɛ kwlaa nga be tu'n .

Jue Mun 111:2

Sa nga Anannganman yo be'n be ti dandan. Be b'ɔ jɔ be klun'n, be kunndɛ sa sɔ mun tititi.

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Jue Mun 92:6

Ee Anannganman, ɔ́ sa nuan ninnge'm be ti dandan, wɔ akunndan'm bé bo'n ti kploun.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Nyanndra Mun 5:21

Atin nga sran kun fɛ i sa'n, ɔ lɛ-man kun nga Anannganman nyin ta-man su-ɔ . Ɔ wun i ngba'n kwlakwla kpan!

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Ezai 28:29

Sa wafa nga be yo be lɛ'n be fin Anannganman b'ɔ sie mɛn wunmuan'n. Be kle kɛ i sa ng'ɔ siesie be'n be yo nyɛnmɛn, yɛ ɔ si sa yo dan.

Ezai 40:13

?Wan yɛ ɔ si Anannganman i klun lɔ akunndan nin-ɔn? ?Wan yɛ ɔ'a man Anannganman i afɔtuɛ le-ɔ ?

Ezai 59:18

Kɛ sran kun i nyoliɛ'n ti ju'n, ɔ ´mɛn i nuan like, ɔ ´fa ya yɛ ɔ nin be nga be nun-mɛn i sin'n be ´yia nun. Like ng'ɔ nin i kpɔfuɛ mun fata'n, ɔ ´fa man be. Be nga be tran jenvie nuan mmua mmua lɔ'n, ɔ man be kusu be like liɛ'n ng'ɔ nin be fata'n.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 16:17

Afin ajalɛ nga be ´tu'n, mín nyin o su. Wie fi ti-man fiawa min nyrun. Mín nyin ta bé sa tɛ mun weiin.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Daniɛl 2:45

I nyanndra yɛlɛ yɛbuɛ nga bɔ nán sran yɛ ɔ toli-ɔ, b'ɔ fɛ i oka'n su lɔ vii ɔ wa fufuli blalɛ, nin aaba, nin wufa, nin jɛtɛ ufue, ɔ nin sika ɔkwlɛ'n be nun bɔ be kacili sanmlɛn'n. Nannan, Nyanmiɛn Kpli'n fali sa nga be wa ju'n kleli wɔ. Ɔ laliɛ'n ɔ ti sa nga be wa ju'n be nglo yilɛ sakpa, yɛ i bo nga n ´tu kle wɔ yɛ'n kusu, bu i nanwlɛ, yɛ lafi su.»

Zakari 9:1

Ndɛ cinnjin yɛ'n, Anannganman'n kan man Adrak lɔ lika'n i nunfuɛ mun. I sɔ ndɛ liɛ'n, ɔ kan man Damas klɔ lɔfuɛ mun kusu, afin nán Izraɛl akpasua'm be ngunmin yɛ be ti Anannganman'n liɛ-ɔ. Klɔ sran'm be kwlaa be ti i liɛ.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Jean 5:29

yɛ be ´fin ndia'n nun fite. Be nga be yoli sa kpa'n, be ´cɛn be ´nyan nguan, be nga be yoli sa tɛ'n, be ´cɛn, yɛ be ´fa be kɔ jɔlɛ difuɛ'n i ja su .»

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 22:12

Jésus seli kɛ: «Nian, m ´ba icra'n! Yɛ like nga sran'm be yoli'n, i kwlaa i nuan like'n wo ń sa nun, n ´fa man be .