Zeremi 32:18 - NYANMIƐN NDƐ'N 1998

¹⁸ Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Zeremi 32:18 ပူးပေါင်းရင်းမြစ်များ

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

2 Famiɛn Mun 9:26

Cɛn sɔ'n nun'n, Anannganman seli i kɛ: ‹Anunman'n, kɛ a ´kun Nabɔt nin i mma mun'n, n wunnin nun. I ti'n, n ´yi sa kunngba sɔ'n m ´man wɔ cɛn wie fie kunngba nga nun. Min Anannganman min yɛ n kan sɔ-ɔ.› I sɔ'n ti'n, to i yi i fie'n nun kɛ Anannganman fa kannin'n sa .»

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Jue Mun 50:1

Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.

Jue Mun 89:9

?Anannganman, wɔ bɔ a ti Nyanmiɛn bɔ a sie mɛn wunmuan'n, wan cɛ yɛ ɔ kwla kɛ wɔ sa-a? A ti nanwlɛfuɛ tititi sa kwlaa nun.

Ezipt Lɔ Tulɛ'n 34:6

I sin ɔ sinnin Moiz i nyrun lɛ, ɔ seli i ekun kɛ: «N ti Anannganman. N ti Nyanmiɛn aklunyefuɛ, nin aunnvuɛ sifuɛ, n fa-man ya ndɛndɛ. Min aklunye'n ti dan, yɛ sa nga n kan kɛ n ´yo be'n, n ´yo be.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Ezai 10:21

Zakɔb i osu'n nunfuɛ onga kan'n, be ´sa bé sin Nyanmiɛn b'ɔ kwla'n i sin.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 31:35

Anannganman'n wan yoo: «?Wan yɛ ɔ yili wia'n kɛ ɔ `kpaja lika'n nun nin-ɔn? ?Wan yɛ ɔ sieli kɛ anglo nin nzraama'm be `ta kɔnguɛ nin-ɔn? ?Wan yɛ man jenvie nzue'n jaso b'ɔ bo nin-ɔn? Anannganman b'ɔ sie mɛn wunmuan nin-ɔn. Kɛ ɔ suan sɔ-ɔ.»

Zeremi 33:2

Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

Zeremi 50:34

Sanngɛ bé ti ngondin tufuɛ'n ɔ lɛ wunmiɛn. Be flɛ i kɛ: Anannganman B'ɔ Sie Mɛn Wunmuan'n. Ɔ ´tu bé ti ngondin. Ɔ man be mɛn'n ´nyan fɔundi. I kunngba'n man Babilɔnifuɛ'm bé wun ´usu be.»

Daniɛl 2:45

I nyanndra yɛlɛ yɛbuɛ nga bɔ nán sran yɛ ɔ toli-ɔ, b'ɔ fɛ i oka'n su lɔ vii ɔ wa fufuli blalɛ, nin aaba, nin wufa, nin jɛtɛ ufue, ɔ nin sika ɔkwlɛ'n be nun bɔ be kacili sanmlɛn'n. Nannan, Nyanmiɛn Kpli'n fali sa nga be wa ju'n kleli wɔ. Ɔ laliɛ'n ɔ ti sa nga be wa ju'n be nglo yilɛ sakpa, yɛ i bo nga n ´tu kle wɔ yɛ'n kusu, bu i nanwlɛ, yɛ lafi su.»

Abakik 1:12

Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

JÉSUS-CHRIST I DYASIN FE'N BO LUC KLELI'N 6:38

An `cɛ sran like, yɛ Nyanmiɛn kusu ɔ `cɛ amun wie-ɔ, ɔ ´man amun kpanngban kɛ like bɔ be su be tintin su, yɛ be kejekeje i, b'ɔ yi bu gua'n sa, afin suliɛ nga an su nun man sran wie mun'n, i kunngba'n nun yɛ Nyanmiɛn ´su nun man amun-ɔn.»

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 7:21

Nán srɛ kun amun bé wun, afin Anannganman amun Nyanmiɛn'n nin amun o nun. Ɔ ti Nyanmiɛn kun b'ɔ ti dan yɛ ɔ yo sro.