Zeremi 32:16 - NYANMIƐN NDƐ'N 1998

¹⁶ «Kɛ n fali fie wun fluwa'n m mannin Neriza i wa Barik'n, n srɛli Anannganman'n n seli kɛ:

Zeremi 32:16 ပူးပေါင်းရင်းမြစ်များ

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 32:12

Barik b'ɔ ti Maazeza i wa Neriza i klun ba liɛ'n. N fa mɛnnin i min niaan Anameɛl, nin lalofuɛ nga be nzɔliɛ'n wo fluwa sɔ'n su'n, ɔ nin Zidafuɛ nga be o bisua lika'n nun lɛ'n be kwlaa be nyrun.

Zeremi 45:1

Kɛ Zozias i wa Zozakim dili Zida famiɛn'n i afuɛ nnan'n su yɛ Nyanmiɛn nuan ijɔfuɛ Zeremi kannin ndɛ kleli Neriza i wa Barik yɛ i kusu klɛli-ɔ. I blɛ sɔ nun'n, Zeremi seli Barik bɔbɔ kɛ: