Zeremi 31:4 - NYANMIƐN NDƐ'N 1998

⁴ Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Zeremi 31:4 ပူးပေါင်းရင်းမြစ်များ

2 Famiɛn Mun 19:21

Nan nga m bɔbɔ n ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

Jue Mun 149:3

Man be si able nan be bo flɛ i. Man be bo klɛn nin jru yɛ be to jue be mɛnmɛn i.

Jue Mun 30:11

Anannganman, sie ɔ su. Si min aunnvuɛ. Anannganman, de min.

Jue Mun 51:18

A kunndɛ-man sraka fi, sɛ ɔ ti-mɛn i ti'n, wuun n ´yi wie m ´man wɔ. A kunndɛ-man tɛ nga be yrɛ i nnɛn'n kɔlikɔli'n bɔbɔ .

Jue Mun 69:35

Man nglo lɔfuɛ mun nin asiɛ'n sufuɛ mun, ɔ nin jenvie'n nin i nun ninnge'n kwlaa be mɛnmɛn i.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 30:32

Be ngble nuan kwlaa nga Anannganman ´bla be'n, sran'm be ´bo su klɛn nin jru. Anannganman bɔbɔ nin be ´kun.

Ezai 37:22

Nan nga m bɔbɔ ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Zeremi 18:13

I sɔ'n ti Anannganman'n wan yoo: «?An `kpɛn n sin usa nvle-nvle'm be nun nian sɛ b'a kan ndɛ sa'n wie amu'an ti i le o? Sa nga Izraɛl yoli'n i tɛ liɛ'n ɔ lɛ-man wunsu.

Zeremi 24:6

N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Zeremi 31:21

«Sie nzɔliɛ mun atin'n nuan. Atin nga ɔ ´fa su'n, ajalɛ'n nga ɔ ´tu'n, `bu i akunndan kpa nan sa ɔ sin bla, Izraɛl min adeba. Sa ɔ sin bla ɔ bɔbɔ ɔ klɔ.

Zeremi 31:38

Anannganman'n waan: «Cɛn wie lele be ´kplan Zerizalɛm klɔ'n Anannganman i dunman'n ti. Be ´bo i bo Ananeɛl i sasawlɛ sua'n wun lɔ be ´fa ju cɔnjɔ'n su anuan'n nun.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 46:11

Ɔo! Ezipt, wɔ bɔ a ti kɛ talua b'ɔ nian si-man bian le sa'n, ɔli kɔ Galaad lɔ ko fa lɔ nguɛn'n. Man a yo ayre'n sɛ, man a yo i sɛ, ɔ ti ngbɛn. Nán kɛ a wa jaso ti-ɔ.

Ngwlɛ Yilɛ 1:15

Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Amɔs 5:2

Izraɛl, kɛ a la lɛ'n yɛ a la-a, a su jaso-man kun. Kɛ a la wɔ asiɛ'n su lɛ'n, nán kɛ a ´nyan sran man wɔ su ti-ɔ.

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

JÉSUS-CHRIST I DYASIN FE'N BO LUC KLELI'N 15:23

An `fa nannin nga ɔ'a lo kpa fuɛ'n bla, an `kun i man e fa di cɛn,

Sa nga bé yôli'n 15:16

‹E Min Nyanmiɛn seli kɛ: I sɔ'n i sin, m ´ba, n ´kplan David awlo'n b'ɔ boli'n ekun. Yɛ i lika ng'ɔ sacili'n, n ´kplɛn uflɛ, n ´yo i kpa. Nan sran nga be ka lɛ'n, ɔ nin be bɔ be ti-man Zuif'n, bɔ n dunman'n wo be su'n, be ´kpɛ ń sin atin. Kɛ ɔ fin adudua, e Min Nyanmiɛn'n man sran'm be si sa sɔ'n .›

Jɔlɛ Difuɛ Mun 11:34

Zɛfte ɔ ´sɛ i sin ´bɛ i awlo Mizpa lɔ'n, ɔ ´nian-an, i wa bla'n ɔ'a fite ɔ'a bɛ i atin kpalɛ. Ɔ ´ba'n, wuun ɔ ´bo klɛn ´si able. Zɛfte i wa ng'ɔ lɛ i yɛ ɔ o lɛ-ɔ. Zɛfte lɛ-man ba yasua fi, ɔ lɛ-man ba bla uflɛ fi.