Zeremi 31:3 - NYANMIƐN NDƐ'N 1998

³ I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Zeremi 31:3 ပူးပေါင်းရင်းမြစ်များ

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Jue Mun 25:6

Anannganman, nán wɔ wla fi ɔ klun-ufue nin aunnvuɛ bɔ a si sran mun'n! Afin be o lɛ tititi.

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ezai 43:4

Kɛ bɔ amun lɛ nyrun dan min nyrun'n, kɛ bɔ m bu amun sran'n, kɛ bɔ n klo amun'n ti, n ´fa sran'm n jran amun ajalɛ nun, n ´fa sran kaci amun.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 49:14

Zerizalɛmfuɛ'm be seli kɛ: «Anannganman kpɔcili ye, e Min'n i wla fili ye su.»

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Ndɛ Nga Nyanmiɛn I Nuan Ijɔfuɛ Oze Kannin'n 11:4

Kɛ n ko yo'n yɛ n yoli i-ɔ, n kloli i klolɛ kpa, e nin i e trannin kɛ siɛ nin ba sa, n fɛli i m boli min wue su, n wlɛli i nuan nun aliɛ.

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Rɔmfuɛ Mun 8:30

Be ng'ɔ sieli be sɔ'n, ɔ flɛli be, yɛ be ng'ɔ flɛli be'n, ɔ buli be sran kpa, yɛ be nga ɔ buli be sran kpa'n, ɔ man be nyannin nyrun kɛ i liɛ'n sa.

Rɔmfuɛ Mun 9:13

Afin be klɛli kɛ: «N klo Zakɔb, sanngɛ n kpɔ Ezau .»

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Jean 4:19

E liɛ'n, e klo Nyanmiɛn, afin ɔ dun mmua kloli ye.