Zeremi 31:2 - NYANMIƐN NDƐ'N 1998

² Anannganman'n wan yoo: «Sran nga be fin alɛ'n nun fiteli bɔ be wo aawlɛ flɛnnɛn'n nun lɔ'n, n yoli be ye. Ɔ man Izraɛl wa di alaje.»

Zeremi 31:2 ပူးပေါင်းရင်းမြစ်များ

Jue Mun 78:52

Ɔ fɛli i nvle'n i nunfuɛ mun ɔli kɛ bua mun sa. Ɔ kankannin be aawlɛ flɛnnɛn'n nun kɛ bua mun sa.

Jue Mun 95:11

N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»

Ezipt Lɔ Tulɛ'n 1:16

Ezipt famiɛn'n wlali bé su nun kpa kɛ: «Blɛ bɔ amun ´uka Ebre bla mun be ´wu ba'n, amun `nian ba nga be wu i'n kpa. Sɛ ɔ ti yasua'n, amun `kun i, sɛ kusu ɔ ti bla'n, amun `yaci i lɛ.»

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 2:23

I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Ezipt Lɔ Tulɛ'n 33:14

Anannganman tɛli i su kɛ: «M bɔbɔ e nin wɔ e ´nanti yɛ n ´yo man a ´de wunmiɛn.»

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Ezekiɛl 20:35

N ´fa amun n kɔ aawlɛ flɛnnɛn'n nun mmua lɔ kan sran kun nga'm be nun-man lɛ'n, lɛ yɛ e nin amun e ´kan ndɛ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 11:4

Kɛ n ko yo'n yɛ n yoli i-ɔ, n kloli i klolɛ kpa, e nin i e trannin kɛ siɛ nin ba sa, n fɛli i m boli min wue su, n wlɛli i nuan nun aliɛ.

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 14:20

Anannganman tɛli i su kɛ: «Kɛ bɔ a kpatali min'n ti m'an yaci.

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 1:33

Kusu wuun i yɛ ɔ dun mmua amun nyrun yɛ ɔ kunndɛ amun ngblaliɛ kpɛwlɛ mun-ɔn. Kɔnguɛ'n, ɔ fa sin'n kpaja amún bo nan amun wun atin nga amun ko sin nun'n. Wia'n nun'n, ɔ fa sin wɛnsrɛn'n kle amun atin'n.

Mmla'n 12:9

Kɛ amun nian ju-man amun aja'n bɔ yɛlɛ wunmiɛn delɛ lika nga Anannganman amun Nyanmiɛn'n wa fa man amun'n nun lɔ'n, i ti yɛ amun yo i sɔ-ɔ.

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Zozie 1:13

«Man amun wla kpɛn su kɛ Anannganman i sufuɛ Moiz seli amun kɛ: ‹Anannganman amun Nyanmiɛn'n fali mɛn ng'ɔ o yɛ'n mannin amun kɛ amun tran nun.›