Zeremi 30:5 - NYANMIƐN NDƐ'N 1998

⁵ I waan: «Awlaboɛ nganniɛn tɛ, srɛ kun sran sɔ nga be kpan'n. Bé wla ti-man ase guawa.

Zeremi 30:5 ပူးပေါင်းရင်းမြစ်များ

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Ezai 59:11

E bo wowo kɛ nnɛn ngble bɔ be flɛ i kɛ urs'n sa. E konviabo'n klu kɛ okunmomo sa tititi. E bu i kɛ Nyanmiɛn wa nian e lika, sanngɛ like fi, e bu i kɛ ɔ wa de ye, sanngɛ ngbɛn-ɔn.

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 25:36

Izraɛl su kpɛn'm be yɛ be ´kpan lɔ lɛ-ɔ. Min nvle'n i su nianfuɛ'm be yɛ be ´sun lɔ lɛ-ɔ. Sa ti bɔ be kpan'n yɛlɛ kɛ Anannganman'n ɔ'a nunnun be nnɛn'm be didiwlɛ'n.

Zeremi 30:4

Izraɛl nin Zida bé wun ndɛ nga Anannganman'n kannin'n yɛ.

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 6:22

Anannganman'n wan yoo: «Nvle kun nunfuɛ'm be fin mɛn'n i nglo lɔ lika'n nun be su ba. Nvle dan kun nunfuɛ'm b'a jaso mɛn'n i bue kun lɔ be su ba.

Zeremi 6:26

«Min sran mun, an `wla bajɛ tralɛ. An `la kondo ndutre nun. An `yo sɛ kɛ amun wa klikli'n ɔ'a wu sa. An `to sɛ jue ng'ɔ kle sunlɛ kpa'n, yɛlɛ kɛ like sacifuɛ'n su wa fu amun nun ɔ ´tɔ amun su.»

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Zeremi 9:19

Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Abakik 1:10

Be bu-man famiɛn'm be like fi. Be to siefuɛ'm be mma. Klɔ nga be si bé wun'n, be fata-man be like fi. A ´nian-an, b'a gua fa, b'a fu su b'a fa klɔ sɔ mun.

Abakik 1:6

Babilɔnifuɛ bɔ be si-man aunnvuɛ'n, bɔ be ti aeliɛ tɛfuɛ'n, bɔ be su wa wlu mɛn'm be nun asiɛ wunmuan su'n, m'an fa be, be o balɛ. Be ´ba be wiengu'm be lika'm bé sa nun delɛ .