Zeremi 30:3 - NYANMIƐN NDƐ'N 1998

³ Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 30:3 ပူးပေါင်းရင်းမြစ်များ

Ɛsdras 3:1

Anglo nso su'n, Izraɛlfuɛ mun bɔ be o be klɔ'm be su'n, bé nuan yoli kun yɛ be yiali Zerizalɛm lɔ.

Ɛsdras 3:12

Nyanmiɛn nyrun jranfuɛ, nin Levifuɛ, nin awlobo kpɛnngbɛn bɔ be ti kaklaakla, bɔ be wunnin Nyanmiɛn sua laa liɛ'n, bé sunman be o lɛ, kɛ be wunnin sua'n i bo ase bɔ be su wla'n, be tikeli bé ti be sunnin kekle kpa. Kɛ ɔ ´yo sɔ'n, wuun sran sunman kpa be ´kpan be klun b'ɔ ti jɔwa'n ti.

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Jue Mun 126:4

Anannganman, fa e fuɛ nga be trali be lomuɛn mun bla. Man be balɛ sɔ'n ɔ yo kɛ nzue ba bɔ ɔ'a wu kee bɔ nzue ɔ'a tɔ kpɛkuun ɔ su sonji'n sa.

Jue Mun 53:6

Nian, be bɔ laa be si-man like nga be flɛ i srɛ'n, be su usu sa tututu. Nyanmiɛn wa sanngan be bɔ be kɔ kɛ be nin wɔ be ´ko kun'n be nun. Ɔ ´gua bé nyin ase, afin ɔ yili be blo.

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 27:11

Nvle nga kusu bɔ i nunfuɛ'm be fa be kɔmin'n man Babilɔni famiɛn'n nan ɔ sie su be kɔmin su waka nan be su i'n, n ´yo man be ´di alaje famiɛn sɔ'n i mɛn'n nun. Be ´di fie lɔ be cɛ, lɔ yɛ be ´tran-an.» Anannganman'n yɛ ɔ kan sɔ-ɔ.

Zeremi 27:22

‹Ninnge sɔ mun'n, be ´fa be kɔ Babilɔni, be ´ka lɔ lele san m bɔbɔ min yɛ n ´ko fa be lɔ m ´ba lika nga nun wa-a.› » Anannganman'n yɛ ɔ kan sɔ-ɔ.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Zeremi 30:4

Izraɛl nin Zida bé wun ndɛ nga Anannganman'n kannin'n yɛ.

Zeremi 31:16

Yɛ Anannganman'n se i kɛ: «Yaci sunlɛ'n, muan ɔ́ nuan. Nunnun ɔ nyinmuɛn'n. Afɛ nga a fɛli'n, a su wa nyɛn i nuan akatua. Ɔ mma'm be wa fin be kpɔfuɛ'm be mɛn'n nun lɔ ´ba.»

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Zeremi 31:31

Anannganman'n waan: «Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ .

Zeremi 31:38

Anannganman'n waan: «Cɛn wie lele be ´kplan Zerizalɛm klɔ'n Anannganman i dunman'n ti. Be ´bo i bo Ananeɛl i sasawlɛ sua'n wun lɔ be ´fa ju cɔnjɔ'n su anuan'n nun.

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Zeremi 51:60

Nyrɛnnɛn sa fanunfanun ng'ɔ wa tɔ Babilɔni su'n, Zeremi klɛli i kwlakwla'n fluwa kun nun. Ndɛ sɔ mun yɛ b'a dun mmua b'a kan be ndɛ nin-ɔn.

Ezekiɛl 20:42

Blɛ bɔ n ko fa amun'n ko sa amun sin Izraɛl asiɛ'n su, mɛn nga n tali amun nannan'm be nda kɛ n ´fa man amun'n, i nun lɔ amun wa si jrɛiin kɛ min yɛ n ti Anannganman nin-ɔn.

Ezekiɛl 34:13

N ´yi be nvle-nvlefuɛ'm be afiɛn, kannzɛ be fin mɛn wafa-wafa'm be nun'n, n ´kan be m ´bo nun, yɛ n ´fa be m ba be asiɛ'n su ekun. N ´ta be Izraɛl oka'm be su nin nzue ba mun bé nuan, ɔ nin mɛn'n i lika kwlaa nga be tran nun lɛ-ɔ ɔ yo ye'n.

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Ezekiɛl 47:14

Amun ´cɛ lika'n nun sɛsɛ, afin n tali nda kɛ n ´fa Izraɛl mɛn'n m man amun nannan mun. I sɔ'n ti lika'n wa yo amun liɛ.

Zoɛl 3:1

«Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

Sofoni 2:7

I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.

JÉSUS-CHRIST I DYASIN FE'N BO LUC KLELI'N 17:22

Yɛ ɔ seli i sɔnnzɔnfuɛ'm be kɛ: «Cɛn wie amún wla wa lo m bɔ n kacili Sran'n kɛ amun ´wun min cɛn ba kunngba cɛ, sanngɛ an su wun-man min.

JÉSUS-CHRIST I DYASIN FE'N BO LUC KLELI'N 19:43

Cɛn wie amun kpɔfuɛ'm be ´bo sin yia amun, be ´kpɛ kunman fia nun, be ´mian amun ,

JÉSUS-CHRIST I DYASIN FE'N BO LUC KLELI'N 21:6

«Cɛn kun wa ju bɔ like nga amun wun be yɛ'n, be kwlaa be ´saci. Yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Mmla'n 30:3

Anannganman amun Nyanmiɛn'n kusu ɔ man amun wa jaso kanga nun amun ´ba, ɔ ´si amun aunnvuɛ. Mɛn nga ɔ man amun bo sanndili be nun'n, ɔ ko fa amun lɔ ´ba.

Mmla'n 30:5

Ɔ ´fa amun ´ba amun nannan'm be lika'n nun, yɛ amun ´fa. Ɔ ´yo amun kpa, ɔ ´yo man amun ´sɔn tra amun nannan mun.

Hébreu 8:8

Sanngɛ Nyanmiɛn kputu i sran mun, afin be klɛli i Nyanmiɛn Ndɛ'n nun kɛ: «E Min'n seli kɛ: ‹Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ.