Zeremi 30:2 - NYANMIƐN NDƐ'N 1998

² «Min bɔ n ti Anannganman'n bɔ n ti Izraɛl Nyanmiɛn'n, min wan yoo: ‹Ndɛ nga n kan kleli wɔ'n, klɛ be kwlakwla'n fluwa kun nun.›

Zeremi 30:2 ပူးပေါင်းရင်းမြစ်များ

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Ezai 30:8

Anannganman seli Ezai kɛ: «Klɛ ndɛ sɔ mun like kun su. Yɛ klɛ be fluwa kun nun. Klɛ be Zerizalɛmfuɛ'm be nyrun lɛ. Klɛ nan ɔ `ka lɛ tititi, nan ɔ `yo lalofuɛ cɛn wie.»

Ezai 8:1

Anannganman seli min kɛ: «Fa like paplapa dan kun nan klɛ su weiin man be wun i. Klɛ su kɛ: ‹Be `fɛn ninnge'n ndɛndɛ, be `kan bé wun be `ko fa ninnge'n.› »

Zeremi 25:13

Mɛn sɔ'n i wun sa kwlaa nga m man Zeremi kannin b'ɔ klɛ fluwa nga nun'n, nvle-nvle'm be kwlaa bé wun sa nga Zeremi kannin'n, n ´fa sa sɔ mun n ´yi be su.

Zeremi 30:1

Anannganman'n kannin ndɛ ng'ɔ o yɛ'n kleli Zeremi. I waan:

Zeremi 36:28

«Kunndɛ fluwa uflɛ nan ndɛ kwlaa ng'ɔ ti klɛwa fluwa klikli nga Zozakim yrɛli i nun'n, `klɛ i nun ekun.

Zeremi 36:32

Yɛ Zeremi kunndɛli fluwa uflɛ ɔ fa mannin Neriza i wa Barik b'ɔ ti fluwa klɛfuɛ nin-ɔn. Zeremi ´kan ndɛ'n, wuun ɔ ´klɛ. Ɔ klɛli ndɛ ng'ɔ o fluwa klikli bɔ Zozakim yrɛli i'n nun'n. Ɔ klɛli i kwlakwla, kpɛkuun ɔ klɛli ndɛ wafa kunngba sɔ'n wie mun ukali su.

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

1 Korɛntfuɛ Mun 10:11

Sa sɔ'n bɔ be tɔli bé su'n, be kle sa b'ɔ wa ba'n, yɛ be klɛli be kɛ be ´fa tu e bɔ y'a ju mɛn'n i bue nuan'n e fɔ.

Mmla'n 31:19

Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.

Sa nglô yile 1:11

Ɔ seli kɛ: «Like nga a wun be'n, klɛ be fluwa kun nun, fa ko man asɔnun nso bɔ be o Efɛz, nin Smirni, nin Pɛrgam, nin Tiatir, nin Sard, nin Filadɛlfi, nin Laodise'n.

Sa nglô yile 1:19

I sɔ'n ti, klɛ like nga a wunnin be bɔ be o lɛ kɛ e ´se yɛ'n, nin nga cɛn wie lele be ´yo'n.