Zeremi 30:18 - NYANMIƐN NDƐ'N 1998

¹⁸ Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Zeremi 30:18 ပူးပေါင်းရင်းမြစ်များ

1 Be Nyoliɛ 29:1

Famiɛn David seli sran nga be yiali'n be kɛ: «Min wa Salomɔn bɔ i kunngba yɛ Nyanmiɛn kpɛli i'n, ɔ tɛ yo gbanflɛn kan, yɛ junman'n cɛnnin. Yɛ kusu i akunndan'n nian tin-man. Sua'n ti-man sran sua, Anannganman Nyanmiɛn'n i sua-a.

1 Be Nyoliɛ 29:19

Yo man min wa Salomɔn fa ɔ mmla fanunfanun'n kwlaa sie, nan ɔ fa be su. Man ɔ kplan sua dan'n bɔ m'an kunndɛ i wun ninnge'n m'an sie'n.»

Neemi 7:4

Blɛ sɔ nun'n, Zerizalɛm klɔ'n ti dan, sanngɛ sran'm b'a sɔn-man, yɛ sua sunman ti-man kplanwa.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 102:14

A su tran-man diin sa. A ´si Siɔnfuɛ'm be aunnvuɛ, afin be aunnvuɛ silɛ blɛ'n ɔ'a ju lele be flɛ-mɛn i julɛ kun.

Jue Mun 122:7

Man Zerizalɛm klɔ'n nun tɔ fɔun. Man alaje'n ɔ fua i sua nglanman'm be nunfuɛ mun.

Jue Mun 48:13

Amun `bo sin yia Siɔn'n, yɛ amun `bo sin yiɛ i ekun. Amun `ka i sasawlɛ sua mun.

Jue Mun 48:3

Oka sɔ'n ti klanman, ɔ ti asiɛ wunmuan'n i aklunjuɛ like. Siɔn oka'n yɛ ɔ ti asiɛ'n su klɔ'm bé bo nin-ɔn, i yɛ ɔ ti famiɛn dan'n i klɔ nin-ɔn .

Jue Mun 78:69

Lɔ yɛ ɔ kplannin i sua nin-ɔn, ɔ kplɛnnin i kekleke kpa kɛ nyanmiɛn'n b'ɔ la nglo lɔ plaii'n sa. Ɔ kplɛnnin i cinnjin kɛ asiɛ'n bɔ kɛ ɔ o lɛ'n yɛ ɔ wo'n sa.

Jue Mun 85:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zeremi 31:38

Anannganman'n waan: «Cɛn wie lele be ´kplan Zerizalɛm klɔ'n Anannganman i dunman'n ti. Be ´bo i bo Ananeɛl i sasawlɛ sua'n wun lɔ be ´fa ju cɔnjɔ'n su anuan'n nun.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Zeremi 31:40

Fuɛn nin nzuɛn bɔ luilui o nun'n, be kongo lika ng'ɔ o lɛ ngbɛn'n lele b'ɔ ´fa ju Sedrɔn nzue ba'n nuan'n nin nnɛn kpanngɔ anuan'n i cɔnjɔ'n su wia afiliɛ lɔ lika liɛ nun'n, i sɔ lika'm be kwlakwla be ´yo min liɛ. Be su saci-man be, be su nunnun-man be le.»

Zeremi 32:15

Nan Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹Be ´to sua nin fie lika, ɔ nin vinyi fie mɛn ng'ɔ o yɛ'n nun wa ekun.› »

Zeremi 32:44

Be ´yi sika be ´to fie, be klɛ i wun fluwa. Be ´fa lalofuɛ be ´fa be nzɔliɛ'n be ´sie i fluwa sɔ'n su be ´kɛtɛ i nuan wa. Be ´to i Bɛnzamɛn nvle'n nun, nin Zerizalɛm asa'n su, nin Zida klɔ'm be su, nin oka'n i su klɔ'm be su, nin tɔnun lika'm be nun, ɔ nin Negɛb lɔ klɔ'm be su. Afin n ´fa be nga be trali be lomuɛn ɔli'n m ´ba.» Anannganman'n yɛ ɔ kan sɔ-ɔ.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 46:27

«Izraɛlfuɛ mun, nán srɛ kun amun, amun `yaci usulɛ'n. An `se kɛ sɛ, n su wa de amun mɛn b'ɔ o mmua'n nun lɔ m ´ba. N su wa de amun osu nunfuɛ mun be kanga mɛn'n nun lɔ m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ.

Zeremi 49:39

«Sanngɛ cɛn wie lele n ´yo man Elamfuɛ'm be ´sa be sin be osu laa'n nun.» Anannganman'n yɛ ɔ kan sɔ-ɔ.

Zeremi 49:6

Sanngɛ cɛn wie lele n ´fa Amɔnfuɛ mun n ´sa bé sin be osu laa'n nun.› » Anannganman'n yɛ ɔ kan sɔ-ɔ.

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Amɔs 9:14

Min sran nga be trali be lomuɛn'n, n ´fa be n ´sa bé sin. Be klɔ bɔ be bubuli be'n, be ´kplan be uflɛ be ´tran su ekun. Be ´ta vinyi be ´nɔn i nzan'n. Be ´di fie be ´di be su ninnge.

Zakari 1:12

Yɛ Anannganman i anz'n waan: «Ee! Anannganman, a fali Zerizalɛm klɔ'n nin Zida klɔ'm bé wun ya i afuɛ ableso yɛ. ?Cɛn onin ko nan w'a si be aunnvuɛ?»

Zakari 1:16

Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 12:6

I sɔ blɛ nun'n, n ´yo man Zida kpɛnngbɛn'm be ´yo kɛ yie kwle bɔ sin ɔ'a tɔ nun b'ɔ su yra'n sa. Be ´yo kɛ ijre kee bɔ sin ɔ'a tɔ nun b'ɔ su jue'n sa. I sɔ sin liɛ'n, ɔ ´didi nvle nga be mantan-mantan be lɛ'n mun, sanngɛ Zerizalɛmfuɛ'm be ´ka be osu'n nun lɛ.»

Zakari 12:7

Anannganman ´dun mmua de Zidafuɛ mun. Ɔ ti-mɛn ti-ɔ, David i osu'n nin Zerizalɛmfuɛ'm be ´yo be wun kpakpa Zidafuɛ'm bé su.

Zakari 14:10

Lika ng'ɔ mantan Zerizalɛm lɛ'n, kɛ ɔ fɛ i Gɛba b'ɔ o mɛn'n i nglo lɔ lika'n nun b'ɔ ´fa ju Rimɔn ngua wa lika nun'n, ɔ ´yo kpɛtɛkplɛɛ. Kpɛkuun Zerizalɛm ´tran nglo. Ɔ ´kɛ i osu nun lɛ. Ɔ ´fɛ i Bɛnzamɛn anuan'n nun lɛ ɔ ´fa ju cɔnjɔ su anuan'n nun lɔ kan anuan klikli'n wo lɛ'n. Kpɛkuun ɔ ´fɛ i Ananeɛl i sasawlɛ nglo sua'n wun lɛ ɔ ´fa ju famiɛn'n i nzan yiwlɛ'n nun lɔ.