Zeremi 30:12 - NYANMIƐN NDƐ'N 1998

¹² Anannganman'n wan yoo: «Kannin nga ɔ'a tu wɔ'n, ɔ yo sro. Ɔ wu-ɔ ɔ yo-man ye.

Zeremi 30:12 ပူးပေါင်းရင်းမြစ်များ

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Zeremi 14:19

«?Nan Zida i blo yɛ a yi i mlɔnmlɔn-ɔn? ?Ɔ konvi li yɛ ɔ'a tu Siɔn su-ɔ? ?Ɔ yo sɛ ti yɛ a bo ye nin kannin ng'ɔ tu be-ɔ be nyɛn-mɛn i wun ayre nin-ɔn? Y'a minndɛ fɔundi'n lele ngbɛn. E minndɛ juejue yolɛ'n, sanngɛ sa ng'ɔ ba'n ɔ yo sro.

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 30:15

?Ɔ yo sɛ yɛ a fɛfɛ ɔ kannin sroesroe'n b'ɔ wu-ɔ ɔ yo-man ye'n ti-ɔ? Ɔ sa tɛ nga a yoli'n sɔnnin ngboko. I ti yɛ n yoli wɔ sɔ-ɔ.

Zeremi 6:7

I klunwi sa'n ɔ nyrɛn kɛ nzue ti b'ɔ nyrɛn viaa'n sa. I wun ndɛ nga be ti'n, i kwlaa ti sa tɛtɛ nin sran mianmianlɛ ndɛ ngunmin. Cɛn kwlaa a ´to ɔ́ nyin-ɔn, ɔ ti sran nga b'a bo be kannin ɔ nin nga be su fɛ'n be ngunmin.

Zeremi 8:22

?Kannin ayre nun-man Galaad lɔ kun? ?Dɔɔtrɔ nun-man lɔ? ?Ɔ yo sɛ ti yɛ min nvle'n i kannin'n tɛ didi tɛ kɔ kploun sɔ-ɔ ?

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Ezekiɛl 37:11

Ɔ seli min kɛ: «Klɔ sran, owie nga'm be ti Izraɛl nvle'n i nzɔliɛ. Ndɛ nga Izraɛlfuɛ'm be kan'n yɛ: ‹E owie'm b'a wu kee, e lɛ-man e wla'n i guawlɛ kun.›

Ndɛ Nga Nyanmiɛn I Nuan Ijɔfuɛ Oze Kannin'n 5:13

Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Mise 1:9

Afin yɛlɛ kɛ Samari i wie like yɛ ɔ'a yo i lɛ. Kpɛkuun like sɔ'n ɔ'a sa Zida, ɔ'a trɛ i lele ɔ'a ju Zerizalɛm klɔ'n i anuan'n nun, ɔ'a ju min nvlefuɛ'm be tranwlɛ'n i anuan'n nun.

Naɔm 3:19

Ɔ sacilɛ nga w'a saci yɛ'n, be yo wɔ sa fi-ɔ, ɔ yo-man ye kun. Kannin nga ɔ'a tu wɔ yɛ'n, ɔ ti ɔ wie like. Sa nga bɔ ɔ'a nyan wɔ bɔ a la nyrɛnnɛn nga nun yɛ'n, be kwlaa nga be ti i sɔ ndɛ'n, be ´bo ndɛ. Afin sran fi nun-man lɛ bɔ w'a yo-mɛn i tɛ w'a flan-man nun-ɔn.»