Zeremi 30:10 - NYANMIƐN NDƐ'N 1998

¹⁰ Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 30:10 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Ezai 14:3

Izraɛlfuɛ mun, cɛn nga Anannganman yo nan amún wun jɔ amun fɔun'n, sɛ amun afɛ'n nin amun nyrɛnnɛn'm be wie'n, sɛ be yaci amun nun bɔ amun ti-man kanga kun'n,

Ezai 35:9

Be su wun-man asɔmɔli fi atin sɔ'n su. Nnɛn tɛ fi su sin-man lɛ. Nnɛn tɛ fi su fa-man su. Be nga Anannganman deli be'n, be yɛ be ´sin nun-ɔn.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 44:1

Sanngɛ siɛn'n, amun Zakɔb i osu nunfuɛ bɔ amun ti min sufuɛ'n, amun Izraɛlfuɛ amun yɛ n kpali amun-ɔn, amun `sie amun su.

Ezai 44:2

Min Anannganman bɔ n yili amun'n, bɔ m boli amun falɛ nan b'a wu amun'n, bɔ n ti amun ukafuɛ'n, min wan yoo: «Zakɔb i osu'n nunfuɛ'm bɔ amun ti min sufuɛ mun'n, Izraɛlfuɛ mun bɔ n kpali amun'n, nán srɛ kun amun.

Ezai 46:11

N flɛ anunman nyin kun wia afiliɛ lɔ kɛ ɔ bla, n flɛ sran ng'ɔ ´yo min klun sa'n mɛn mmua-mmua wie nun kɛ ɔ bla. Sa nga n kan'n, n yo i su sa'n. Sa nga m bu i akunndan'n, n yiɛ i nuan.

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Ezai 49:12

Be yɛ be ´ba yɛ, be fin mmua, wie'm be fin mɛn'n i nglo lɔ, wie'm be fin wia atɔliɛ, wie'm be fin mɛn'n i ngua lɔ Ezipt lɔ.

Ezai 49:25

Ɛɛn, sran nga safunyrɛn'n trɛli i'n, ɔ ´flo i sa nun, like nga be bɔ be sie sran mun kekle su'n be fali'n, be ´de bé sa nun. E nin amun kpɔfuɛ mun e ´kun, yɛ n ´de amun mma mun, Anannganman yɛ ɔ kan sɔ-ɔ.

Ezai 54:4

Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 23:4

N ´fa bua sunianfuɛ nga be ko nian be su kpa'n n ´sie bé su. Ɔ man srɛ su kun-man be kun. Be su usu-man kun. Kun sa su tu-man nun.»

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 23:8

sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Ezekiɛl 16:52

Wɔ bɔ yɛ a bu ɔ niaan bla'm be fɔ'n, suan ɔ nyannzuɛn liɛ'n i bo, yɛlɛ kɛ ɔ́ sa tɛ liɛ nga a yoli'n, be trali be liɛ mun. I ti be kpɛn su tra wɔ. Man nyannzuɛn kun wɔ wie, suan ɔ nyannzuɛn sɔ'n i bo, yɛlɛ kɛ sɛ be fa wɔ sunnzun ɔ niaan mun'n, ɔ ti kɛ b'a yo-man sa tɛ sa.

Ezekiɛl 38:11

A wa se kɛ: ‹N ´jaso mɛn ng'ɔ ti diin'n i wun. N ´utu be nga be o be o lɛ diin'n, bɔ be o be tranwlɛ'm be nun be klun titi-man be'n, bɔ be tran klɔ bɔ talɛ nun-man bé wun nan se kɛ anuan nin gboklo yɛ be lɛ i'n be su'n.

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Ndɛ Nga Nyanmiɛn I Nuan Ijɔfuɛ Oze Kannin'n 2:18

Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Ndɛ Nga Nyanmiɛn I Nuan Ijɔfuɛ Oze Kannin'n 2:20

N ´yo man min sran mun be nin nnɛn mun, nin anunman mun, ɔ nin nnɛn nga be cuɛn bé wun ase'n be ´di anuansɛ. N ´saci mɛn'n nun ta nin tokofi'm be kwlaa, afin alɛ kunlɛ'n ´wie. Kpɛkuun min sran'm be kwlaa bé wun ´tɔ be fɔuun.

Ndɛ Nga Nyanmiɛn I Nuan Ijɔfuɛ Oze Kannin'n 6:11

«Zidafuɛ mun, amun liɛ'n, fɔ nga n ko fa n ko tu amun blɛ nga n ´fa min sran nga be yoli kanga mun m ´ba'n, m'an bu m'an sie.»

Zoɛl 2:21

Asiɛ'n sufuɛ mun, nán amun koko kun, man amun klun jɔ. Afin Anannganman'n su di junman dandan, i ti, man amún wun blibli amun.

Mise 4:9

?Izraɛlfuɛ mun, onin yɛlɛ awuyomo nga amun bo i yɛ'n? ?Famiɛn nun-man amun su kun ti-ɔ? ?Nguɛ ti yɛ amun kpita bé wun ase kɛ bla wie bɔ awuliɛ ɔ'a to i sa nin-ɔn? ?Amun ngwlɛlɛ klefuɛ mun b'a wie wu ti-ɔ?

Zakari 3:10

Kɛ cɛn sɔ'n ko ju'n, amun `flɛflɛ amun wiengu yɛ amun ´tran amun vinyi fie nin amun figie fie'm be nun fɔuun .» Anannganman b'ɔ sie mɛn wunmuan'n yɛ ɔ kan sɔ-ɔ.

Jean 12:15

«Siɔn wa bla, nán srɛ kun wɔ. Nian, ɔ famiɛn'n su ba, ɔ fu aflunmun nga ɔ'a kpɛ cro'n kun su .»