Zeremi 3:6 - NYANMIƐN NDƐ'N 1998

⁶ Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 3:6 ပူးပေါင်းရင်းမြစ်များ

1 Famiɛn Mun 14:23

Be kusu be kplannin sraka yiwlɛ lika nga be o kpɔlɛ'm be su mun. Be takali waka sran, ɔ nin Astarte waka nga be sɔ be kpɔlɛkpɔlɛ'm be kwlaa su, ɔ nin waka bɔ nnya o be su'n bé bo .

2 Be Nyoliɛ 34:1

Kɛ Zozias ´yo famiɛn'n, wuun ɔ lɛ afuɛ mɔcuɛ. Ɔ trannin Zerizalɛm afuɛ ablasan-nin-kun.

Jue Mun 106:39

Be fali sa sɔ'n be yoli bé wun fiɛn. Sɛ e ´kwla se'n, be boli tekle.

Ezai 57:3

Amun bɔ amun ti bla'n b'ɔ yi wunnzue'n i mma mun'n, amun bɔ amun kunndɛ bla nin bian amún yi nin amún wun'm be bo'n, amun bɔ amun bo tekle'n, amun `wunnge wa.

Ezai 57:7

Oka fleiin'm bé su yɛ amun sɛ amún bɛ mun-ɔn, bé su yɛ amun fu ko yi sraka mun-ɔn.

Zeremi 1:2

Anannganman kannin ndɛ kleli i famiɛn Zozias i sielɛ'n i afuɛ blu-nin-nsan'n su. Amɔn b'ɔ ti Zida famiɛn'n i wa yɛlɛ Zozias.

Zeremi 11:10

Nga be nannan'm bɔ be waan be fa-man min ndɛ'n su'n be yoli'n, yɛ be kusu be su yo i siɛn nin-ɔn. B'a ɔ amuɛn'm be sulɛ. Izraɛlfuɛ nin Zidafuɛ'm b'a yi aenguɛ nga e nin be nannan mun e trali'n i ase.»

Zeremi 17:2

Ɔ man be mma'm be wla su fi-man sraka yiwlɛ nin waka nga be taka be bɔ be sɔ be'n, nin waka nga be lɛ fɔnvɔ'n, ɔ nin kpɔlɛ kendenglein mun.

Zeremi 3:8

Ɔ wunnin kɛ tekle nga Izraɛl b'ɔ ti kɛ bian safuɛ'n sa'n boli'n ti n ko mɛnnin i yralɛ fluwa n yacili i'n. Sanngɛ Zida b'ɔ kunndɛ bian min bo'n, srɛ ɔ'a kun-mɛn i. I kusu ko boli i tekle liɛ.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Zeremi 5:11

Yɛlɛ kɛ i Zida nvle nin o, i Izraɛl nvle nin o be nin min b'a nanti-man klanman.» Anannganman yɛ ɔ kan sɔ-ɔ.

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Ezekiɛl 16:31

«Blɛ bɔ a kplan ɔ blɔdɛ silɛ sua mun atin'm be kwlaa be su'n, blɛ bɔ a kplan sraka yiwlɛ lika kpɔlɛ'm be kwlaa be su'n, w'a yo-man kɛ tekle sifuɛ bla nga be si tekle fa kunndɛ sika'n sa.

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 23:11

«I niaan bla Ooliba wunnin i sɔ, sanngɛ i wlaka liɛ'n ɔ tra. I tekle liɛ ng'ɔ boli'n, ɔ trɛli i niaan bla liɛ'n.

Ezekiɛl 23:4

Be flɛ kpɛnngbɛnfuɛ'n kɛ Oola, yɛ be flɛ kaanfuɛ'n kɛ Ooliba. Be ti min liɛ laa. Be wuli ba yasua mun nin ba bla mun be mannin min. Oola yɛlɛ Samari, yɛ Ooliba yɛlɛ Zerizalɛm.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:13

Oka'm be su yɛ be yi tɛ mun-ɔn. Kpɔlɛ'm be su yɛ be yra ansans mun-ɔn. Waka kɛ sɛni, nin peplie, ɔ nin terebɛnt bɔ be lɛ fɔnvɔ klanman'n, be bo yɛ be gua-a. I sɔ nga lɛ'n ngba kwlaa ti yɛ man amun mma mmla'm be si tekle nin-ɔn, i ti yɛ amun sewi'm be kunndɛ be wiengu mun bé wun mun nin-ɔn.

Jɔlɛ Difuɛ Mun 2:17

Sanngɛ kɛ be jɔlɛ difuɛ sɔ'm be kan ndɛ kle be'n, nán tilɛ yɛ be ko ti i kɛ ɔ fata'n sa-a. Be sin ko tu amuɛn nga, be sin ko tu amuɛn nga, be koto bé bo. Be kaci bé sin sili atin nga bé nannan'm be fali su'n. Bé nannan'm be nantili Anannganman i mmla'm bé su, sanngɛ b'a nian-man bé si'm be liɛ'n su.