Zeremi 3:22 - NYANMIƐN NDƐ'N 1998

²² «Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 3:22 ပူးပေါင်းရင်းမြစ်များ

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 27:8

Cɛcɛ, ɔ yoli man be bo sanndili, be trali be lomuɛn ɔli mɛn uflɛ nun. Ɔ yo kɛ wia afiliɛ lɔ aunngban b'ɔ yo sro'n, b'ɔ fita like mun kɔ'n sa.

Ezai 31:6

Izraɛlfuɛ mun, amun `sa amún sin bla Anannganman bɔ amun kacili amún sin sili i'n i sin.

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Zeremi 3:12

Ɔ man `bo ndɛ ng'ɔ o yɛ'n i ndolo mɛn'n i nglo lɔ lika'n nun se kɛ: ‹Anannganman'n wan yoo: Izraɛl b'ɔ ti kɛ bian safuɛ sa'n, sa ɔ sin bla. N ti aunnvuɛ sifuɛ, n su fa-man ɔ́ wun ya tantrantan kun. Ɔ wun sa su tran-man min klun titi kun.

Zeremi 30:17

Kɛ bɔ be fa fuanlɛ bɔ n fuannin wɔ'n be fa se wɔ nun'n, bɔ be flɛ wɔ kɛ Siɔn bla bɔ sran fi flɛ-mɛn i'n ti n wa yo wɔ juejue. N wa fua ɔ́ kannin mun.» Anannganman'n yɛ ɔ kannin sɔ-ɔ.

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Zeremi 33:6

Sanngɛ ɔ yo'n, n ´yo man ɔ ´yo juejue kpa kɛ sran bɔ ɔ'a tɔ tukpacɛ ɔ'a jaso'n sa. N ´yo man i su tranfuɛ'm be ´nyan fɔundi, be ´nyan manndran.

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Ezekiɛl 18:30

I sɔ'n ti n wa di amun jɔlɛ, kɛ sran kun i nzuɛn fa ti'n i su yɛ n ´nian n ´di i jɔlɛ-ɔ.» Anannganman Nyanmiɛn'n yɛ ɔ kan sɔ-ɔ. «Amun `kaci amun nzuɛn, amun `yaci amún sa tɛtɛ nga amun yo'n be yolɛ. Nán amun yaci sa tɛ'n wie lɛ, ɔ kwla yo amun mlinlɛ like .

Ezekiɛl 33:11

Se be kɛ: ‹Min nyin o su, min Anannganman Nyanmiɛn yɛ n kan sɔ-ɔ. Like nga n kunndɛ'n, nɛ́n i yɛlɛ kɛ klunwifuɛ'n ɔ wu, sanngɛ n kunndɛ kɛ ɔ `kaci i nzuɛn'n nan ɔ `fite nun. Amun `yaci amun nzuɛn tɛtɛ'n. ?Izraɛlfuɛ mun, nguɛ ti yɛ amun waan amun ´wu nin-ɔn?›

Ndɛ Nga Nyanmiɛn I Nuan Ijɔfuɛ Oze Kannin'n 13:4

«Izraɛlfuɛ mun, kɛ amun ´fin Ezipt lɔ ´ba, m bɔbɔ min Anannganman yɛ n ti amun Nyanmiɛn-ɔn. Amun si-man Nyanmiɛn uflɛ kun san min kunngba cɛ. Defuɛ uflɛ fi nun-man lɛ san min.

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »