Zeremi 3:19 - NYANMIƐN NDƐ'N 1998

¹⁹ Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Zeremi 3:19 ပူးပေါင်းရင်းမြစ်များ

Jue Mun 106:24

I sin'n, klɔ bɔ be blɔ i kpa b'ɔ ti'n, b'a buɛ-mɛn i ndɛ nun kun. B'a fa-man Anannganman i nuan ndɛ'n kun.

Jue Mun 16:6

Min aja like liɛ nga n nyɛnnin i'n, ɔ yo nyɛnmɛn dan. Nanwlɛ, ɔ ti klanman o!

Jue Mun 89:26

N ´yo man ɔ ´sie jenvie'n nin nzue ba mun.

Nyanndra Mun 3:35

Anyrunnyan'n ti akunndanfuɛ'm be liɛ. Be nga be wun-man sa wlɛ'n kusu nyannzuɛn dan'n ti be liɛ.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 3:4

Kɛ e ´se yɛ'n bɔ a se min kɛ: ‹?Mín si bɔ kɛ ɔ fin min kaan nun yɛ ɔ nin min trali janvuɛ'n,

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Daniɛl 11:16

Sran ng'ɔ ´jaso i wun kɛ ɔ nin i be ´kun'n, sa kwlaa ng'ɔ klo kɛ ɔ ´fa yo i'n yɛ ɔ ´fa yo i-ɔ. Sran fi su jrɛn-mɛn i nyrun. Ɔ wa tran mɛn ng'ɔ ti klanman tra mɛn'm be kwlakwla'n i nun, ɔ ´nunnun like ng'ɔ o nun'n kwlaa.

Daniɛl 11:41

Ɔ ´fa mɛn ng'ɔ ti klanman tra mɛn'm be kwlakwla'n, ɔ ´kun lɛ sran kpanngban kpa. Sanngɛ Edɔmfuɛ mun, nin Moabfuɛ mun, ɔ nin Amɔnfuɛ'm be safunyrɛn dandan'm be ´nyan bé ti, ɔ su nyan-man be.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Daniɛl 8:9

I wɛ kaan kpa kun fifili laa liɛ sɔ'm be nun kun nun, ɔ trɛ ɔli ngua bue liɛ'n su lɔ nin wia afiliɛ bue'n su lɔ, ɔ nin mɛn klanman kpa'n i bue liɛ'n su lɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Efɛzfuɛ Mun 1:5

Klolɛ b'ɔ klo ye'n ti, ɔ dun mmua buli ye akunndan kɛ sa nga Jésus-Krist yoli'n ti ɔ ´fa e kaci i klun ba. I klun jɔli su kɛ ɔ ´yo i sɔ'n ti yɛ ɔ yoli sɔ

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Hébreu 10:39

E liɛ'n, nán be nga be cuɛn bé wun kɔ siɛn'n b'ɔ man be mlin'n be wie yɛlɛ ye, sanngɛ e ti be nga be lafi Nyanmiɛn su bɔ be nyan bé ti'n be wie.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.