Zeremi 3:18 - NYANMIƐN NDƐ'N 1998

¹⁸ I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 3:18 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 23:8

sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 3:12

Ɔ man `bo ndɛ ng'ɔ o yɛ'n i ndolo mɛn'n i nglo lɔ lika'n nun se kɛ: ‹Anannganman'n wan yoo: Izraɛl b'ɔ ti kɛ bian safuɛ sa'n, sa ɔ sin bla. N ti aunnvuɛ sifuɛ, n su fa-man ɔ́ wun ya tantrantan kun. Ɔ wun sa su tran-man min klun titi kun.

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Zeremi 50:4

I sɔ blɛ'n nun yɛ Izraɛlfuɛ mun nin Zidafuɛ mun be ´ba likawlɛ nin-ɔn, be ´ba'n, wuun be ´sun. Be ´kunndɛ Anannganman be Nyanmiɛn'n.» Anannganman'n yɛ ɔ kan sɔ-ɔ.

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Zeremi 7:7

i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Ezekiɛl 11:17

I sɔ'n ti se be kɛ: ‹Anannganman Nyanmiɛn wan yoo: N wa fa amun nvle kunngun'm be nun kpɛkuun n ´kan amun m ´bo nun. N ´fa amun mɛn nga amun bo sanndili nun'n be nun, n ´fa Izraɛl asiɛ'n n ´fa man amun.›

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Amɔs 9:15

N ´taka min nvle'n i lika laa'n nun. Be su fuan-man min sran mun be asiɛ nga n fa mannin be'n su lɛ kun. M bɔbɔ min Anannganman amun Nyanmiɛn'n, yɛ n kan ndɛ sɔ'n n kle amun-ɔn.»

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»