Zeremi 3:16 - NYANMIƐN NDƐ'N 1998

¹⁶ Anannganman'n wan yoo: «Kɛ amun wa trɛ bɔ amun ´sɔn kpanngban mɛn'n nun'n, be su kan-man Anannganman i alaka'n i ndɛ kun. Be su bu-mɛn i akunndan kun, bé wla su kpɛn-mɛn i su kun. Be su koko-mɛn i kun, be su bobo-man uflɛ .

Zeremi 3:16 ပူးပေါင်းရင်းမြစ်များ

Ezai 60:22

Be nun kaan'n i osu nunfuɛ'm be ´trɛ lele be ´ju sran akpi, be nun kaan kpa'n, i osu'n ɔ kaci nvle dan kpa kun. Sɛ sa sɔ'm be blɛ'n ju'n, m bɔbɔ min Anannganman'n, n ´kan mín wun n ´yo be.

Ezai 61:4

Be ´kplan lika nvuɛn'm be uflɛ, be ´yo lalafuɛ sua nga be sacili mun'n ekun, be ´kplan klɔ'm bɔ be bubuli ɔ'a cɛ'n be uflɛ.

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 30:19

Be wa to jue, be ´bo sro. N ´yo man be ´trɛ. Be su ka-man kaan. M ´man be kɔmin su ɔ man be su yo-man be finfin.

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Zeremi 7:4

Nán amun lafi ndɛ finfin nga be kɛn i yɛ'n su be se kɛ: Wa yɛ Anannganman i sua'n wo-ɔ, Anannganman i sua'n, Anannganman i sua'n.

Ezekiɛl 15:5

Kɛ ɔ tɛ yo klonglo'n bɔbɔ be kwla fa yo-man like nun. ?Yɛ siɛn'n, bɔ sin'n ɔ'a kɛn i bɔ ɔ'a sɔ ɔ'a yra'n, kpɛkuun blɛ li yɛ be ´fa yo like nun yɛ ɔ ´yo ye-ɔ?

Ezekiɛl 37:26

N ´si min wue'n nun m ´man be aunjuɛ kpa. Yɛ aunjuɛ sɔ'n ɔ ´ka lɛ titi. N ´fa be n ´sie. N ´yo man be ´trɛ.

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Matthieu 1:11

Blɛ bɔ be fa Izraɛlfuɛ mun ɔli Babilɔni'n, i blɛ sɔ'n nun yɛ Zozias wuli Zekɔnias nin i niaan mun-ɔn.

Matthieu 3:9

Nán an bu amun anwlɛn'n nun se kɛ: ‹E nannan yɛlɛ Abraam,› afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun .