Zeremi 3:13 - NYANMIƐN NDƐ'N 1998

¹³ Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 3:13 ပူးပေါင်းရင်းမြစ်များ

Neemi 9:2

Ɔ man Izraɛlfuɛ sɔ'm be yacili be nga be ti-man Zuif'm be lɛ, be cuɛnnin be wun kɛ be ´ko di be bɔbɔ bé sa tɛ'n ɔ nin be nannan'm be liɛ'n i nanwlɛ.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezai 57:5

Amun kunndɛ amún wun terebɛnt waka'm bé bo nin waka nga nnya o bé su'n be kwlaa bé bo. Amun kpɛ ba kanngan'm be kɔmin nzue ba'm bé nuan nin yɛbuɛ buɛ'm be nun.

Zeremi 14:10

Nvle nga nunfuɛ'm be wun ndɛ bɔ Anannganman kan'n yɛ: «Be akunndan'n ti nnyɔn-nnyɔn ngboko. Bé nyin kan-man ase. Anannganman'n klo-mɛn i sɔ'n. I nyin wo bé sa tɛ'm be su. Ɔ ´bu be fɔ bé sa tɛ'n ti.»

Zeremi 14:20

Anannganman, e si kɛ e ti-man sɛsɛ ɔ nyrun. E si kɛ é si'm be yoli sa tɛ. Nanwlɛ e fɔnnin ɔ́ wun.

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 2:25

Kɛ n se wɔ kɛ Izraɛl, nian ɔ́ wun, ɔ'a yo-man sɔ-ɔ ɔ́ ja'n kpla, ɔ konviabo'n ɔ ´wu kee'n, a tɛ min su kɛ: ‹Cɛcɛ, be yaci min diin! Aofuɛ mun yɛ n klo be-ɔ. Be su yɛ n ´su-ɔ.›

Zeremi 3:2

Man ɔ́ nyin'n su, nian oka mun nian. ?Ninfan cɛ yɛ w'a fa-man ɔ́ wun a man-man-an? A trannin atin'n nuan yɛ a minndɛli ɔ sran mun kɛ kakajefuɛ mun sa. A fa ɔ tekle bolɛ'n nin wɔ aeliɛ tɛtɛ'n saci mɛn'n.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 16:15

«Sanngɛ a lafili ɔ klanman'n su. Ɔ dunman b'ɔ fuli dan'n ti, a sili blɔdɛ. Sran kwlaa b'ɔ ´sin'n, a nin i be si sua. A kacili kɛ bé sa nun ngowa like sa.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Mmla'n 12:2

Sran nga amun su ko fa be mɛn'n lɛ'n, be lika nga be sɔ be amuɛn nun'n, amun `bubu be kwlaa. Lika nga be o oka'm bé su o, nin kpɔlɛ'm bé su o, ɔ nin nga be o waka mɔnnɛn'm bé bo o, amun `bubu be.