Zeremi 3:1 - NYANMIƐN NDƐ'N 1998

¹ Anannganman'n usa kɛ: «?Sɛ sran kun yrɛ i yi'n nan bla'n jaso ko ja bian uflɛ'n, kɛ ɔ o lɛ'n, yasua klikli'n kwla sɛ i sin ja bla sɔ'n ekun? ?Sɛ ɔ yo sɔ'n, nán tete yɛ ɔ'a bo i mɛn'n nun-ɔn? Sɛ n ´kwla se'n, a ko bo tekle'n lele, kpɛkuun a sa wɔ sin a ba min jalɛ ekun.

Zeremi 3:1 ပူးပေါင်းရင်းမြစ်များ

Jue Mun 106:38

Be kunnin sran nga b'a yo-man sa'n. Sran nga b'a yo-man sa sɔ mun yɛlɛ be mma yasua mun nin be mma mmla mun. Be kunnin be be fa sɔli Kanaan amuɛn mun. Be fali be sran kunlɛ sɔ'n be sacili be mɛn'n.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 2:23

«?Ɔ yo sɛ yɛ man a kwla se kɛ: ‹M'an yo-man fiɛn, m'an ko sɔ-man Baal nin-ɔn?› Sanngɛ wuun ɔ osu'n yɛ ɔ o kongo nun lɔ kɛ nyɔnngɔnmɛn talua wie b'ɔ sin kɔ wa sin kɔ wa'n sa.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 22:20

«Zerizalɛm, sɛ a ti bla'n, wuun n ´se kɛ, fu Liban oka'n i ti su nglo nan kpan. Tike ɔ́ ti sun Bazan lika'n, jran Abarim oka'n su lɔ kpan, afin ɔ soman'm be kwlakwla be liɛ ɔ'a wie.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 3:9

Izraɛl fɛli i tekle b'ɔ ´bo-ɔ ɔ fia-man'n fa sacili mɛn'n. Ɔ yacili min lɛ ko sɔli yɛbuɛ mun nin waka mun.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ezekiɛl 16:26

A nin Eziptfuɛ nga bɔ be kunndɛ bla be fɛ-man'n, bɔ be nin wɔ tran kpa'n, amun boli tekle. Ɔ tekle bolɛ kpanngban'n ti a kunnin min ya.

Ezekiɛl 16:30

Ɔo! A tran-an ɔ tran-man. A kaci wɔ liɛ kɛ blɔdɛ i tɛtɛ kpafuɛ'n wie yɛlɛ wɔ sa.» Anannganman Nyanmiɛn'n yɛ ɔ kan sɔ-ɔ.

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Ezekiɛl 33:11

Se be kɛ: ‹Min nyin o su, min Anannganman Nyanmiɛn yɛ n kan sɔ-ɔ. Like nga n kunndɛ'n, nɛ́n i yɛlɛ kɛ klunwifuɛ'n ɔ wu, sanngɛ n kunndɛ kɛ ɔ `kaci i nzuɛn'n nan ɔ `fite nun. Amun `yaci amun nzuɛn tɛtɛ'n. ?Izraɛlfuɛ mun, nguɛ ti yɛ amun waan amun ´wu nin-ɔn?›

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

Matthieu 5:31

«Be kɛnnin i ekun kɛ: ‹Sran kwlaa ng'ɔ yrɛ i yi'n, man ɔ mɛn i fluwa b'ɔ kle kɛ ɔ'a yrɛ i.›

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Jɔlɛ Difuɛ Mun 19:2

Le kun ɔ nin i soman'n be kannin ndɛ, nan ɔ'a wanndi a ɔ i si i awlo Bɛtleɛm lɔ. Ɔ ko trannin lɔ anglo nnan.