Zeremi 28:4 - NYANMIƐN NDƐ'N 1998

⁴ Zozakim b'ɔ ti Zida famiɛn'n i wa Zekɔnias nin be kwlaa nga be trali be Zida ɔli Babilɔni'n, n ´fa be n ´sa be sin. N wa yo man amun su yo-man Babilɔni famiɛn'n i kanga kun.› »

Zeremi 28:4 ပူးပေါင်းရင်းမြစ်များ

Bo Bolɛ 27:40

Sɛ a ´nyan like di'n, ɔ fin ɔ tokofi'n. A ´su ɔ niaan'n, sanngɛ kɛ a kpli lele'n, a ´yi ɔ́ ti i bo cɛn wie.»

2 Famiɛn Mun 24:14

Ɔ trali Zerizalɛm sran'm be kwlaa nin famiɛn'n i awlo lɔ sran dandan mun, nin sran kaklaakla mun bɔ be nuan'n ɔ ju akpi blu (10.000), be lomuɛn. Yɛ ajuin difuɛ mun, ɔ nin blalɛ bofuɛ bɔ be yo anuan'm be nun lakle mun'n, ɔ fali be kwlaa ɔli. Sran nga be ti-man nanndoliɛ'n be yɛ be kali lɛ-ɔ.

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Zeremi 13:19

B'a nyin mɛn'n i ngua lɔ klɔ'm be anuan mun. Sran fi nun-man lɔ b'ɔ ´tike-ɔ. B'a tra Zida nvle wunmuan'n lomuɛn b'a wɔ. Be trali be kwlaa ɔli.»

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 22:10

Zidafuɛ mun, nán amun sun famiɛn Zozias b'ɔ wuli'n. Nán an koko i. Sran ng'ɔ fata kɛ amun sun i'n yɛlɛ famiɛn Salɔm b'ɔ su kɔ'n, afin kɛ ɔ ´kɔ lɛ'n, ɔ su ba-man kun. I nyinma su guɛ-mɛn i awuliɛ asiɛ'n i wun kun.

Zeremi 22:24

Anannganman'n wan yoo: «Se Zekɔnias b'ɔ ti Zozakim i wa b'ɔ ti Zida famiɛn'n kɛ: ‹Kannzɛ a ti kɛ nga wie sa yɛ n fa wlali min sa fama'n su bɔbɔ'n, sɛ m'an yi-man wɔ cɛ'n, wuun nán min-ɔn.

Zeremi 24:1

Kɛ Nɛbikadnɛzar b'ɔ ti Babilɔni famiɛn'n trali Zida famiɛn Zozakim i wa Zekɔnias nin Zida famiɛn'n i awlo lɔ sran dandan mun, ɔ nin sua su bofuɛ nin lakle yofuɛ mun be lomuɛn b'ɔ fali be ɔli Babilɔni'n, le kun Anannganman'n kleli min figie mma gbogbo nnyɔn. Be fa be jinjinnin Nyanmiɛn i sua'n nyrun lɛ.

Zeremi 24:5

«Min Anannganman bɔ n ti Izraɛl Nyanmiɛn'n min wan yoo: ‹Kɛ a wun figie mma kpa mun bɔ a klo be'n, i kunngba'n yɛ n fa klo Zidafuɛ nga n yoli man be trali be ɔli Kaldefuɛ'm be mɛn'n nun nin-ɔn.

Zeremi 27:8

Nvle nin famiɛn diwlɛ kun nga'm be nunfuɛ mun be waan be su-man Nɛbikadnɛzar b'ɔ ti Babilɔni famiɛn'n, sɛ be waan be fa-man be kɔmin'n mɛn-mɛn i nan ɔ sie-man su be kɔmin su waka'n, n ´fa alɛ'n nin awe'n, ɔ nin tukpacɛ b'ɔ sa ndɛndɛ'n n ´fa yi i sɔ nvle liɛ'm be su lele san be ´nunnun treketreke.›

Zeremi 28:10

Yɛ Nyanmiɛn nuan ijɔfuɛ Anania ´de Nyanmiɛn nuan ijɔfuɛ Zeremi i kɔmin su waka'n yɛ ɔ ´bu nun-ɔn.

Zeremi 28:2

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹Amun kɔmin su waka nga Babilɔni famiɛn'n fa sieli amun kɔmin'n su'n, m'an bu nun.

Zeremi 29:1

Zeremi klɛli fluwa Zerizalɛm lɔ ko mannin kpɛnngbɛn nga be nyin wo su'n nin Nyanmiɛn nyrun jranfuɛ mun, nin Nyanmiɛn nuan ijɔfuɛ mun, nin Izraɛlfuɛ nga be trali be lomuɛn Zerizalɛm lɔ ɔli Babilɔni'n be kwlaa.

Zeremi 29:2

Kɛ ɔ ´klɛ'n, wuun famiɛn Zekɔnias, nin i nin, nin awa junman difuɛ kpakpa mun, nin Zida nin Zerizalɛm famiɛn i awlo lɔ sran dandan mun, ɔ nin ajuin difuɛ mun b'a tu Zerizalɛm lɛ b'a ɔ.

Zeremi 30:8

Anannganman'n wan yoo: «Cɛn sɔ nun'n, waka nga be fa sieli be kɔmin su'n, m ´bu nun. Nyanman nga be fa cili be'n, n ´nyannji. Be su su-man nvle uflɛ kun.

Saun Yolɛ 26:13

Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun lɔ m bali-ɔ. Min waan n ´yi amun n ´fite sɔ nan nán amun yo kanga kun. Wunmiɛn nga Eziptfuɛ'm be lɛ i'n, bɔ i ti yɛ be tin amun su kplɔlɔlɔ'n, n sacili i. Ɔ man siɛn'n, sɛ amun ´nanti'n, amun ´kwla man amun ti su.»

Naɔm 1:13

Zidafuɛ mun, amun liɛ'n, m ´bubu waka nga be fa wlali amun kɔmin'n nun, kpɛkuun n ´de amun, n ´kpɛkpɛ jrɔkɔ nga be fa cili amun'n be nun .»