Zeremi 27:9 - NYANMIƐN NDƐ'N 1998

⁹ Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 27:9 ပူးပေါင်းရင်းမြစ်များ

Ezipt Lɔ Tulɛ'n 22:18

Sran ng'ɔ nin nnɛn be la'n, man be kun sran sɔ'n.

Ezipt Lɔ Tulɛ'n 7:11

Famiɛn'n flɛli Ezipt mɛn'n nun akunndanfuɛ mun nin tinwafuɛ mun. Yɛ be kusu, be fali be tinmin'n be yili atrɛ kunngba sɔ'n wie-ɔ.

Nyanndra Mun 19:27

Mín wa, afɔtuɛ nga be man wɔ'n, sɛ a su fa-man su'n nan a ´kaci ɔ́ sin si ngwlɛlɛ'n, wuun nán bo wɛ sie ɔ́ su tie.

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Zeremi 14:14

Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Zeremi 23:16

Anannganman b'ɔ sie mɛn wunmuan'n wan yoo: «Be nga be bu be wun kɛ be ijɔ min nuan'n, be ndɛ nga be ´kan kle amun'n, nán amun fa amún su sie i bo. Aolia nun like nga be ´kɛn i ndɛ kle amun'n, ɔ fin be bɔbɔ be akunndan'n nun. Nán min nuan su ndɛ-ɔ.

Zeremi 23:25

Ndɛ nga be nga be waan be ijɔ min nuan'n be kan'n, n tili. Be tɔn bé wun suɛn kɛ be ijɔ mín nuan. Be ko se kɛ: «N cɛnnin laliɛ kun, n cɛnnin laliɛ kun.»

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 29:8

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nán amun tran lɛ man be nga be tɔn bé wun suɛn kɛ be ti Nyanmiɛn nuan ijɔfuɛ nga be nin amun o lɔ'n, ɔ nin be nga be yi wunnzue'n be `lakalaka amun. Laliɛ nga amun cɛn be'n, nán an fa yo nanndoliɛ like.

Ezekiɛl 21:29

I sɔ'n ti'n, min Anannganman Nyanmiɛn n wan yoo: Amun nyin kekle bɔ amun yi i nglo cɛn kwlaa'n ti'n, n wla kpɛn amun sa tɛ'm be su tititi. Kɛ amu'an yo-man man min wla ɔ'a fi-man amun su'n ti, amun wa tɔ amun kpɔfuɛ'm be sa nun. Amun aeliɛ'n kle kɛ amun fɔn titi.

Daniɛl 4:7

Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Mise 3:7

I sɔ blɛ'n nun'n, be nga bé ti wun ase'n be ´wun nyannzuɛn. Nyannzuɛn'n dunman nun ti be ´kata bé nyin, afin be flɛ Nyanmiɛn-ɔn, ɔ su tɛ-man be su kun.

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Sa nga bé yôli'n 8:11

Be fa bé wun mɛntɛn i yɛlɛ kɛ atrɛ b'ɔ sɔli be yilɛ su lalaa'n, ɔ tɛ bo be nuan.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Mmla'n 13:2

Sɛ amun nun sran wie waan ɔ ti Nyanmiɛn nuan ijɔfuɛ'n annzɛ sɛ i ti wun ase'n, sɛ ɔ ´kan aolia nun sa nga be wa ju'n be ndɛ kle amun'n,

Mmla'n 18:14

Sran nga amun wa fa be mɛn'n be liɛ'n, be lafi wunnzue yifuɛ'm be su. Amun liɛ'n, Anannganman amun Nyanmiɛn'n ɔ kplin-man su kɛ amun yo i sɔ sa mun.

Zozie 13:22

Bɛɔr i wa Balaam b'ɔ ti wunnzue yifuɛ'n, be kwlakwla yɛ Izraɛlfuɛ'm be kunnin be i sɔ blɛ nun nin-ɔn.

Sa nglô yile 18:23

be su wun-man kɛ kannin kpaja lɔ kun. Be su ti-man bian nin bla bɔ be su ja bé wun'n be nɛn lɔ kun. Afin i su aata difuɛ'm be yɛ be ti asiɛ'n su aata difuɛ dandan mun-ɔn. Yɛ ɔ fɛli i bae lakalakali nvle-nvlefuɛ'm be kwlaa,

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.

Sa nglô yile 9:21

Sran sɔ'm b'a yaci-man sran kunlɛ'n, nin bae dilɛ'n, nin bla nin bian kunndɛlɛ'n, nin awie'n.