Zeremi 27:7 - NYANMIƐN NDƐ'N 1998

⁷ Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Zeremi 27:7 ပူးပေါင်းရင်းမြစ်များ

Jue Mun 37:13

Srilɛ yɛ Anannganman sri i-ɔ. Afin ɔ si kɛ sran sɔ'n i fɔ bulɛ cɛn'n ɔ'a mantan.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 21:9

Nian, nnɛn kpanngɔ fufuɛ wie'n be ba, be ba nnyɔn-nnyɔn.» Ɔ kpannin kekle, ɔ seli ekun kɛ: «Babilɔni ɔ'a tɔ, Babilɔni ɔ'a tɔ. Lɔfuɛ'm be amuɛn'm be kwlakwla b'a bubu b'a gua .»

Zeremi 27:22

‹Ninnge sɔ mun'n, be ´fa be kɔ Babilɔni, be ´ka lɔ lele san m bɔbɔ min yɛ n ´ko fa be lɔ m ´ba lika nga nun wa-a.› » Anannganman'n yɛ ɔ kan sɔ-ɔ.

Zeremi 34:1

Kɛ Nɛbikadnɛzar b'ɔ ti Babilɔni famiɛn'n nin Zerizalɛmfuɛ mun, nin Zida klɔ kun nga mun be nunfuɛ mun be ´kun alɛ'n yɛ Anannganman'n kannin ndɛ ng'ɔ o yɛ'n kleli Zeremi-ɔ. Nɛbikadnɛzar nin i sonja'm be kwlaa nin asiɛ'n su famiɛn diwlɛ'm be kwlaa be nunfuɛ mun, ɔ nin nvle nga be su i'n be nunfuɛ mun yɛ be boli alɛ sɔ'n i kunlɛ bo-ɔ. Ɔ seli i kɛ:

Zeremi 44:30

N wa fa Ezipt famiɛn Ofra n ´wlɛ i i kpɔfuɛ nga be kunndɛ i nin wie'n bé sa nun. N wa fɛ i n ´wla bé sa nun kɛ n fali Zida famiɛn Sedesias n wlali Babilɔni famiɛn Nɛbikadnɛzar b'ɔ kunndɛ i nin wie'n i sa nun'n sa.› » Anannganman'n yɛ ɔ kan sɔ-ɔ.

Zeremi 46:13

Kɛ Babilɔni famiɛn Nɛbikadnɛzar ´ba Ezipt i falɛ'n, ndɛ nga Anannganman'n kan kleli i nuan ijɔfuɛ Zeremi'n yɛ:

Zeremi 52:31

Kɛ be fali Zozakin b'ɔ ti Zida famiɛn'n ɔli'n, i afuɛ ablasan-nin-nso'n su'n, Babilɔni famiɛn'n bɔ be flɛ i kɛ Evil-Mɛrɔdak'n, ɔ sili i aunnvuɛ nan ɔ'a yi i bisua'n nun ɔ'a fite. Afuɛ sɔ'n i anglo blu-nin-nnyɔn'n su yɛ ɔ yili i-ɔ. Kɛ ɔ ´yo sɔ'n, wuun anglo'n ɔ'a di le ablaɔn-nin-nnun. Afuɛ kunngba nga Evil-Mɛrɔdak yoli famiɛn'n, i nun yɛ ɔ yili Zozakin-ɔn.

Ezekiɛl 30:24

M ´man Babilɔni famiɛn'n i fanngan. N ´fa min tokofi n ´wlɛ i sa nun, yɛ m ´bubu Ezipt famiɛn'n i sa mun. Ɔ ´wu kɔ'n, wuun ɔ ´kplin i kpɔfuɛ'n i nyin bo lɛ.

Daniɛl 2:37

A ti famiɛn'm be famiɛn, afin nglo-nglo lɔ Nyanmiɛn'n man a sie mɛn'n, ɔ mannin wɔ tinmin, nin wunmiɛn, ɔ nin anyrunnyan.

Daniɛl 4:22

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. Nyansue'n ɔ wa bo wɔ. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun-ɔn, nan ɔ fa famiɛn bia'n man sran nga i klun klo kɛ ɔ ´fa mɛn i'n.

Abakik 2:7

Be nga bé kalɛ wo amun su'n, kɛ amun ´bo bé nyin bla-a, be lɛ amun alowa'n nun, kpɛkuun be su fɛn amún bo ninnge'n kɛ amun fa fɛnnin be liɛ'n sa.

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Sa nglô yile 14:8

Anz kun ekun suli i su, ɔ se kɛ: «Babilɔni klɔ dan'n ɔ'a saci, ɔ'a saci! Ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n .»

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.