Zeremi 27:5 - NYANMIƐN NDƐ'N 1998

⁵ I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 27:5 ပူးပေါင်းရင်းမြစ်များ

Bo Bolɛ 1:25

Nyanmiɛn'n yili asiɛ'n su nnɛn fanunfanun mun. Ɔ yili klɔ nnɛn fanunfanun mun, ɔ nin nnɛn fanunfanun nga be cuɛn be wun ase'n. Nyanmiɛn wunnin kɛ i sɔ'n ti kpa.

Bo Bolɛ 9:6

Sran ng'ɔ guɛ i wiengu mmoja ase'n, sran uflɛ ´guɛ i mmoja liɛ'n i ase yɛlɛ kɛ Nyanmiɛn yili sran kɛ i bɔbɔ sa.

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Neemi 9:22

A fali mɛn nin nvle mun mannin be. Be fali mɛn nga be mantan be lɛ'n mun. Siɔn b'ɔ ti Ɛsbɔn famiɛn'n i mɛn'n, ɔ nin Ɔg b'ɔ ti Bazan famiɛn'n i mɛn'n.

Jue Mun 102:25

I osu ti n seli kɛ: «Min Nyanmiɛn, wɔ bɔ nán ndɛ sa yɛ a o lɛ'n, nán yo man n wu min gbanflɛn nun.»

Jue Mun 96:5

Afin nvle-nvlefuɛ'm be amuɛn'm be ti ato ninnge mun. Anannganman yɛ ɔ yili nglo lɔ nin-ɔn.

Ezipt Lɔ Tulɛ'n 20:11

Afin n fali cɛn ba nsiɛn yɛ n fa yili nglo'n, nin asiɛ'n, nin jenvie'n, ɔ nin ninnge nga be o lɛ'n be kwlaa-a, kpɛkuun cɛn ba nso'n su fuɛ'n, n fa deli wunmiɛn. I sɔ'n ti yɛ m bɔbɔ min Anannganman n yrali min nuan klanman kɛ cɛn sɔ'n `yo kpa, yɛ n klo kɛ ɔ `yo min liɛ klonglo nin-ɔn.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezai 42:5

Sran ng'ɔ yili nyanmiɛn'n b'ɔ la nglo lɔ plaii'n, b'ɔ tinngɛli nun kɛ bɛ sa'n, b'ɔ yili asiɛ'n nin i su ijre, nin waka mun'n, b'ɔ mannin i su sran'm be nguan'n, b'ɔ mannin i su sran'm be wunmiɛn'n, Nyanmiɛn b'ɔ ti Anannganman'n, ɔ kan kle sran ng'ɔ kpɛli i'n kɛ:

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 45:12

Min yɛ n yili asiɛ nin-ɔn. Min yɛ n yili i su sran mun-ɔn. Nyanmiɛn'n b'ɔ la nglo lɔ plaii'n, m bɔbɔ min yɛ n fali ń sa n tinngɛli nun-ɔn. Min yɛ n sie nzraama mun-ɔn.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Zeremi 27:4

Ndɛ nga n kan kleli wɔ'n, kan kle be man be ko koko kle bé min mun. Se be kɛ Anannganman b'ɔ sie mɛn wunmuan'n, Izraɛl Nyanmiɛn'n waan amun `ko kan ndɛ yɛ'n kle amun min mun.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zeremi 51:15

I kwlalɛ b'ɔ kwla'n man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Daniɛl 2:38

Ɔ fali sran mun, nin nnɛn mun, ɔ nin anunman mun wlali ɔ́ sa nun. Lika kwlaa nga be o lɛ'n, wɔ yɛ a ti be min nin-ɔn. Like ng'ɔ ti kɛ waka sran sa'n, i ti'n b'ɔ ti sika ɔkwlɛ'n yɛlɛ wɔ .

Daniɛl 4:14

Anz mun yɛ be kan ndɛ nga-a, kɛ ɔ ´yo nan be kwlaa nga be nyin o su'n b'a si kɛ Nyanmiɛn b'ɔ o nglo-nglo lɔ'n yɛ ɔ sie sran'm be famiɛn diwlɛ mun'n ti. Sran kwlaa nga i klun klo kɛ ɔ ´fa famiɛn bia'n ´fa mɛn i'n, yɛ ɔ fa mɛn i-ɔ. Ɔ kwla man sran'm be nun aunnvuɛfuɛ kpa'n i su bɔbɔ.

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 4:22

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. Nyansue'n ɔ wa bo wɔ. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun-ɔn, nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 4:25

Sa nga be boli be su kleli Nɛbikadnɛzar, be kwlaa bé nuan yiali kpan.

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Sa nga bé yôli'n 17:26

Sran ng'ɔ yili be'n be kwlaa be osu'n ti kun. Ɔ yili be kɛ be tran asiɛ'n su, ɔ sieli be afuɛ nga be di'n i nuan, yɛ ɔ jali nvle kun nin kun be awɛ.

Mmla'n 2:19

Amun ´kpɛn Amɔnfuɛ'm be mɛn'n i nyrun ndɛnman su, sanngɛ nán amun klɔklɔ be, nán amun se kɛ amun nin be ´kun alɛ. N su fa-man be osu nunfuɛ'm be mɛn'n nun lika'n wie m man-man amun. Lika sɔ'n ɔ ti Lɔt i osu nunfuɛ'm be liɛ, n fa mannin be.»

Mmla'n 2:21

Be nvle'n ti dan, be sɔnnin, kpɛkuun be ti jajraajra kɛ Anakfuɛ'm be sa. Anannganman nunnunnin be mannin Amɔnfuɛ mun. Amɔnfuɛ'm be deli sran sɔ'm be lika'n be trannin be osu.

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»

Mmla'n 32:8

Kɛ Nyanmiɛn b'ɔ o like kwlakwla ti su'n ɔ cɛcɛli asiɛ'n nun mannin nvle-nvle mun'n, ɔ klekleli be awɛ mun tɔuun . Ɔ niannin Izraɛlfuɛ'm be nuan'n su yɛ ɔ fa cɛcɛli be-ɔ.

Mmla'n 4:17

annzɛ nnɛn'm be nzɔliɛ, annzɛ anunman bɔ be tu be sin'n be nzɔliɛ,

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Sa nglô yile 4:11

«E Min Nyanmiɛn, kɛ be ´yi wɔ ayɛ be ´manman wɔ bɔ be se kɛ a kwla sa'n kwlaa yo'n i su-ɔ, afin wɔ yɛ a yili like'n kwlaa-a, a klo kɛ a ´yi be ti yɛ a yili be-ɔ, yɛ ɔ ti yɛ be o lɛ-ɔ .»