Zeremi 27:4 - NYANMIƐN NDƐ'N 1998

⁴ Ndɛ nga n kan kleli wɔ'n, kan kle be man be ko koko kle bé min mun. Se be kɛ Anannganman b'ɔ sie mɛn wunmuan'n, Izraɛl Nyanmiɛn'n waan amun `ko kan ndɛ yɛ'n kle amun min mun.

Zeremi 27:4 ပူးပေါင်းရင်းမြစ်များ

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 25:27

I waan n `se be kɛ: «Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: ‹An `nɔn, an `bo nan an `fi, tokofi'n ɔ wa fa nyrɛnnɛn yi amun afiɛn'n i ti yɛ amun ´yo sɔ-ɔ. An `fin ase, nán an kwla amun wun su man kun.›

Zeremi 27:3

Kpɛkuun sunmanfuɛ nga be bali famiɛn Sedesias wun wunlɛ Zerizalɛm'n, fa man be man be fa ko man Edɔm famiɛn'n, nin Moab famiɛn'n, nin Amɔnfuɛ'm be famiɛn'n, nin Tir famiɛn'n, ɔ nin Sidɔn famiɛn'n.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 28:14

Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹N wa fa blalɛ yɛ n ´wla nvle nga be o lɛ'n be nunfuɛ'm be kwlaa be kɔmin nan be `su Nɛbikadnɛzar b'ɔ ti Babilɔni famiɛn nin-ɔn. Be ´su i, ɔliɛ bo'n nun nnɛn mun bɔbɔ, n ´fa be m ´mɛn i.›

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»