Zeremi 27:3 - NYANMIƐN NDƐ'N 1998

³ Kpɛkuun sunmanfuɛ nga be bali famiɛn Sedesias wun wunlɛ Zerizalɛm'n, fa man be man be fa ko man Edɔm famiɛn'n, nin Moab famiɛn'n, nin Amɔnfuɛ'm be famiɛn'n, nin Tir famiɛn'n, ɔ nin Sidɔn famiɛn'n.

Zeremi 27:3 ပူးပေါင်းရင်းမြစ်များ

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ezai 23:4

Sidɔn klɔ, ɔ bɔ a ti jenvie i sasalɛ like'n, man nyannzuɛn kun wɔ. Sɛ jenvie'n ti sran'n, wuun n ´se kɛ i waan: «N klun ɔ'a yo-man min ya, m'an wu-man ba, m'an ta-man ba yasua, m'an ta-man ba bla.»

Zeremi 27:12

Ndɛ kunngba sɔ'n yɛ n kan kleli famiɛn Sedesias-ɔ. N seli i kɛ: «An `fa amún kɔmin'n man Babilɔni famiɛn'n man ɔ sie su be kɔmin su waka. An `su i, an `su i nvle'n nan amu'an nyan nguan.

Zeremi 27:4

Ndɛ nga n kan kleli wɔ'n, kan kle be man be ko koko kle bé min mun. Se be kɛ Anannganman b'ɔ sie mɛn wunmuan'n, Izraɛl Nyanmiɛn'n waan amun `ko kan ndɛ yɛ'n kle amun min mun.

Zeremi 28:1

Afuɛ kunngba sɔ'n nun'n, Sedesias i Zida i sielɛ i afuɛ nnan'n i anglo nnun'n su'n, e nin Nyanmiɛn nyrun jranfuɛ mun nin sran wie mun e wo Anannganman i sua'n nun lɔ, kpɛkuun Azir i wa bɔ be flɛ i kɛ Anania'n, b'ɔ ti Gabaɔn lɔ Nyanmiɛn nuan ijɔfuɛ'n seli min kɛ:

Ezekiɛl 29:18

«Klɔ sran, famiɛn Nɛbikadnɛzar miannin i alɛ kunfuɛ'm be kɛ be di junman kekle kpa Tir klɔ'n ti. Alɛ kunfuɛ sɔ'm bé ti'm b'a kpa. Be wati'm bé su ɔ'a kplokplo. Ɔ'a nyan-man Tir'n i nun like fi, i alɛ kunfuɛ'm b'a nyan-man nun like fi. Be fɛli i wun sa bɔ ngbɛn.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .