Zeremi 27:21 - NYANMIƐN NDƐ'N 1998

²¹ Ninnge nga be kali Anannganman i sua'n nun'n nin Zida famiɛn'n i sua nun'n, ɔ nin Zerizalɛm klɔ nun'n, bé wun ndɛ bɔ Anannganman b'ɔ sie mɛn wunmuan'n, Izraɛl Nyanmiɛn'n ɔ kan'n yɛ. I waan:

Zeremi 27:21 ပူးပေါင်းရင်းမြစ်များ

2 Famiɛn Mun 20:17

‹Ninnge ng'ɔ o ɔ sua'n nun'n, ɔ nin nga ɔ nannan'm be tiantiannin be nuan lele fa ju ndɛ'n, cɛn kun wa ju bɔ ba kun sa su ka-man lɛ. Be ´fɛ i kwlaa sɔ'n kɔ Babilɔni.

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Ɛsdras 1:11

Kɛ be kan sika ɔkwlɛ ninnge nin jɛtɛ ufue ninnge'm be kwlaa bo nun'n, be ti akpi nnun ninnge ya nnan (5.400). Kɛ Izraɛlfuɛ'm b'a yo-man kanga kun, bɔ be fin Babilɔni be ´ba Zerizalɛm'n, Sɛsbazar fɛli kwlaa bali.

Ɛsdras 1:7

Anannganman i sua'n nun ninnge kpakpa nga Nɛbikadnɛzar fali be Zerizalɛm ɔ wa sieli be i amuɛn'm bé sua'n nun'n, famiɛn Siris fali be mannin.

Ezai 39:6

‹Ninnge ng'ɔ o ɔ sua'n nun'n nin nga ɔ nannan'm be tiantiannin i nuan lele bɔ wa fa ju ndɛ yɛ'n, cɛn kun wa ju bɔ ba kun sa su ka-man lɛ. Be ´fɛ i kwlaa sɔ'n kɔ Babilɔni.

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Zeremi 27:20

Kɛ bɔ famiɛn Nɛbikadnɛzar ´fa Zida famiɛn Zozakim i wa Zekɔnias nin Zida nin Zerizalɛm kpɛnngbɛn mun Zerizalɛm lɛ ´kɔ Babilɔni'n, ɔ'a fa-man ninnge sɔ mun.

Zeremi 27:22

‹Ninnge sɔ mun'n, be ´fa be kɔ Babilɔni, be ´ka lɔ lele san m bɔbɔ min yɛ n ´ko fa be lɔ m ´ba lika nga nun wa-a.› » Anannganman'n yɛ ɔ kan sɔ-ɔ.

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .