Zeremi 27:20 - NYANMIƐN NDƐ'N 1998

²⁰ Kɛ bɔ famiɛn Nɛbikadnɛzar ´fa Zida famiɛn Zozakim i wa Zekɔnias nin Zida nin Zerizalɛm kpɛnngbɛn mun Zerizalɛm lɛ ´kɔ Babilɔni'n, ɔ'a fa-man ninnge sɔ mun.

Zeremi 27:20 ပူးပေါင်းရင်းမြစ်များ

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

2 Be Nyoliɛ 36:10

I afuɛ nuan b'ɔ ´yia ekun'n, Nɛbikadnɛzar man be fɛ ɔli Babilɔni. Be fali Nyanmiɛn i sua'n nun ninnge kpakpa mun ɔli wie. Ɔ fali Zozakin niaan Sedesias sieli Zidafuɛ mun nin Zerizalɛmfuɛ'm be famiɛn.

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Ezai 34:12

I su sran kpakpa'm be wie fi su ka-man lɛ nan se kɛ be ´kan famiɛn sielɛ ndɛ. Famiɛn i awlo lɔ sran dandan wie fi su tran-man lɛ.

Zeremi 22:28

?Wuun Zekɔnias kpa'n ɔ ti kɛ nzue sɛ bɔ ɔ'a bo b'ɔ lɛ-man nyrun'n sa? ?Ɔ yo sɛ ti yɛ be fuɛnnin i nin i mma mun, bɔ be fa be ko yili mɛn kun bɔ be si-man nun'n i nun sa-a?»

Zeremi 24:1

Kɛ Nɛbikadnɛzar b'ɔ ti Babilɔni famiɛn'n trali Zida famiɛn Zozakim i wa Zekɔnias nin Zida famiɛn'n i awlo lɔ sran dandan mun, ɔ nin sua su bofuɛ nin lakle yofuɛ mun be lomuɛn b'ɔ fali be ɔli Babilɔni'n, le kun Anannganman'n kleli min figie mma gbogbo nnyɔn. Be fa be jinjinnin Nyanmiɛn i sua'n nyrun lɛ.

Zeremi 27:21

Ninnge nga be kali Anannganman i sua'n nun'n nin Zida famiɛn'n i sua nun'n, ɔ nin Zerizalɛm klɔ nun'n, bé wun ndɛ bɔ Anannganman b'ɔ sie mɛn wunmuan'n, Izraɛl Nyanmiɛn'n ɔ kan'n yɛ. I waan:

Zeremi 29:2

Kɛ ɔ ´klɛ'n, wuun famiɛn Zekɔnias, nin i nin, nin awa junman difuɛ kpakpa mun, nin Zida nin Zerizalɛm famiɛn i awlo lɔ sran dandan mun, ɔ nin ajuin difuɛ mun b'a tu Zerizalɛm lɛ b'a ɔ.

Zeremi 35:1

I nun bɔ Zozias b'ɔ ti Zida famiɛn'n i wa Zozakim tɛ o famiɛn bia'n su'n, Anannganman'n seli Zeremi kɛ yoo:

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Matthieu 1:11

Blɛ bɔ be fa Izraɛlfuɛ mun ɔli Babilɔni'n, i blɛ sɔ'n nun yɛ Zozias wuli Zekɔnias nin i niaan mun-ɔn.

Matthieu 1:12

Kɛ be fa be ɔli Babilɔni'n, i sin Zekɔnias wuli Salatiɛl, Salatiɛl wuli Zorobabɛl.

Matthieu 1:17

Kɛ ɔ fin Abraam blɛ su lele b'ɔ ´fa ju David blɛ su'n, be osu'm be akpasua'n ti blu-nin-nnan. Kɛ ɔ fin David blɛ su lele b'ɔ ´fa ju blɛ nga be ´fa be kɔ Babilɔni'n, be osu'm be akpasua'n ti blu-nin-nnan. Kɛ be fa be ɔli Babilɔni lele b'ɔ ´fa ju Krist blɛ su'n, be akpasua'n ti blu-nin-nnan.