Zeremi 27:18 - NYANMIƐN NDƐ'N 1998

¹⁸ Sɛ be waan be ti Nyanmiɛn nuan ijɔfuɛ nan Anannganman'n ijɔ kle be'n, man be srɛ Anannganman b'ɔ sie mɛn wunmuan'n nan ninnge nga be kɛli i sua nun'n nin Zida famiɛn'n i sua'n nun'n, ɔ nin Zerizalɛm ninnge mun'n, nán be fa be wɔ Babilɔni.

Zeremi 27:18 ပူးပေါင်းရင်းမြစ်များ

Bo Bolɛ 20:17

Abraam i yi Sara dunman nun ti Nyanmiɛn yoli man Abimelɛk i awlo'n nun bla'm be kwlaa be klun yoli kpan. Nan Abraam ɔ'a srɛ Nyanmiɛn ɔ'a man Abimelɛk nin i yi nin i sran mun nan b'a sin be osu b'a kwla wu ba ekun.

1 Famiɛn Mun 18:24

Be `flɛ be amuɛn'n, n kusu n ´flɛ Anannganman. Be nun kun ng'ɔ fa sin ´tɛ flɛlɛ'n su'n, wuun i yɛ ɔ ti Nyanmiɛn-ɔn.» Nzrafuɛ'm be kwlaa be tɛli su kɛ be tili.

1 Famiɛn Mun 18:26

Be fali nannin nga be fa mannin be'n, be kunnin i, be biali, nan b'a fɛ i nnɛn'n b'a siesie yie'n su, kpɛkuun be flɛli Baal nglɛmun lele wia jran. Be waan: «Baal, tɛ é su!» Sanngɛ be ti-man be `fuɛn, be ti-man be `trɛ. Kɛ ɔ ´yo sɔ'n, wuun be ´si able be ´bo sin yia sraka yiwlɛ nga be yoli'n.

2 Be Nyoliɛ 32:20

Yɛ famiɛn Ezekias nin Amɔz wa Ezai b'ɔ ti Nyanmiɛn nuan ijɔfuɛ'n be srɛli Nyanmiɛn kɛ ɔ de be.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 18:20

?Be fa tɛ be tua kpa kalɛ? B'a kpɛ min bo kunman nan n `tɔ nun nan n `wu. Man ɔ wla kpɛn su kɛ min yɛ n jran ɔ nyrun n kannin bé ti ndɛ yɛ man a yacili ya nga a fɛli i bé wun nin-ɔn.

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Zeremi 7:16

«Zeremi, nán srɛ nvle nga nunfuɛ'm be ti kun. Nán sun flɛ min, nán kpata min be dunman nun. Nán bo wɛ, afin n su di-man su.

Ezekiɛl 14:14

Kannzɛ bɔ sran nsan nga mun: Noe, nin Daniɛl, ɔ nin Zɔb be o mɛn sɔ'n i nun tranfuɛ'm be afiɛn'n bɔbɔ'n, sɛ be yo sa kpa'n, be ngunmin yɛ be ´nyan bé ti-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 22:30

N kunndɛ sran kun b'ɔ ´kwla kplan talɛ kun sin yia mɛn'n, annzɛ b'ɔ ´kwla jran talɛ'n i buebue'n nun kpli mɛn'n i ti nan m'an saci-mɛn i. Sanngɛ n wun-man sran bɔ kun sa.

Malasi 1:9

Amun `sin be wa `srɛ min, be `se min kɛ n `yaci nan n `si amun aunnvuɛ.» Anannganman b'ɔ sie mɛn wunmuan'n usa kɛ yoo: «?Tɛ nga amun nyinfu be yoli min lɛ'n, amun bu i kɛ n ´sie min su amún nuan'n bo? Ɔ siɛ i mlɔnmlɔn.»

1 Samiɛl 12:19

Be kwlakwla be seli Samiɛl kɛ: «Nannan, srɛ Anannganman ɔ Nyanmiɛn'n man ye nan y'a wu-man, afin y'a fa famiɛn kunndɛlɛ'n y'a uka é tɛ beblebe'm bé su.»

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.

1 Samiɛl 7:8

Izraɛlfuɛ'm be seli Samiɛl kɛ: «Nán yaci e ti srɛlɛ. Kpan flɛ Anannganman e Nyanmiɛn'n man ɔ de e Filistifuɛ'm bé sa nun.»