Zeremi 27:17 - NYANMIƐN NDƐ'N 1998

¹⁷ Nán amun tie, an `su Babilɔni famiɛn'n. Sɛ an su i'n, amun ´nyan nguan. ?Kɛ klɔ nga ´nunnun mlɔnmlɔn'n, i klanman liɛ'n yɛlɛ onin?›

Zeremi 27:17 ပူးပေါင်းရင်းမြစ်များ

Zeremi 38:17

Yɛ Zeremi seli Sedesias kɛ: «Anannganman b'ɔ sie mɛn wunmuan'n, Izraɛl Nyanmiɛn'n i nuan su ndɛ'n yɛ. I waan: ‹Sɛ a fin klɔ'n nun fite nan a fa ɔ wun ko man Babilɔni famiɛn'n i awlo lɔ sran dandan mun'n, ɔ́ wun fouun! Yɛ kusu be su wɔ-man klɔ nga nun. A nin wɔ awlofuɛ mun amun ´fite nun.

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 42:11

Amun `yaci Babilɔni famiɛn'n i srolɛ. M bɔbɔ min Anannganman'n yɛ n kan kle amun-ɔn. Nan an sro i, afin n jin amun sin. N ´de amun, n ´de amun i sa nun.

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»