Zeremi 27:16 - NYANMIƐN NDƐ'N 1998

¹⁶ N kan kleli Nyanmiɛn nuan ijɔfuɛ nin sran'm be kwlaa kɛ: «Anannganman'n wan yoo: ‹Amun sran'm bɔ be tɔn bé wun suɛn kɛ be ti min nuan ijɔfuɛ nga be se amun kɛ: Anannganman'n i sua nun ninnge nga be fa ɔli Babilɔni ɔ cɛ kaan be wa fa ba'n, nán amun tie ndɛ nga be kan'n, ato yɛ be bua-a.

Zeremi 27:16 ပူးပေါင်းရင်းမြစ်များ

2 Famiɛn Mun 24:13

Nɛbikadnɛzar fali Anannganman i sua'n nin famiɛn sua'm be nun ninnge kpakpa mun, kɛ Anannganman fa kannin'n sa. Ɔ sacili sika ɔkwlɛ ninnge nga Salomɔn yoli bɔ be fa be sieli Anannganman i sua'n nun kɛ be fa su Anannganman'n.

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 27:10

Ndɛ nga be kan kle amun'n ti ato, sɛ amun tie-ɔ, be ´tra amun kɔ mɛn wie nun. N ´fuan amun wa, amun ´wu.

Zeremi 27:14

Nyanmiɛn nuan ijɔfuɛ nga be se amun kɛ: ‹Amun su su-man Babilɔni famiɛn'n› ato yɛ be bua kle amun-ɔn, nán an fa be ndɛ'n su.»

Zeremi 28:3

Nan yoo, ɔ ka afuɛ nnyɔn sɛsɛsɛ, Anannganman i sua'n nun ninnge nga famiɛn Nɛbikadnɛzar fa ɔli Babilɔni'n, n ´fa be m ´ba lika nga nun ekun.

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .