Zeremi 26:3 - NYANMIƐN NDƐ'N 1998

³ Nja, sɛ be ti-ɔ, sɛ be kwlaa be ´yaci bé sa tɛ yolɛ nin o. I liɛ'n, wuun akunndan tɛ nga be aeliɛ tɛtɛ'n ti n sunnzunnin i nin be'n, n ´fa fli be.› »

Zeremi 26:3 ပူးပေါင်းရင်းမြစ်များ

1 Famiɛn Mun 21:27

Kɛ Akab tili i sɔ ndɛ'n, ɔ titili i wun tralɛ'm be nun. Ɔ wlali bajɛ tralɛ, kpɛkuun ɔ kpɛli srɛ nun. Ɔ fa bajɛ'n yɛ ɔ la-a. Ɔ nanti sa blɛblɛblɛ.

1 Famiɛn Mun 21:29

«Nian kɛ Akab ɔ'a kɛn i wun ase mín bo-ɔ. Kɛ b'ɔ kɛnnin i wun ase mín bo'n ti'n, n su fa-man nyrɛnnɛn n yi-mɛn i awlo'n su i nyin su. I wa'n i blɛ su yɛ nyrɛnnɛn sɔ'n wa tɔ i awlo'n su-ɔ.»

Zeremi 26:13

Nan i ti an `kaci amun nzuɛn'n nin amun aeliɛ mun. An `tie Anannganman amun Nyanmiɛn'n i aniɛn'n nan sa ng'ɔ kɛnnin i kɛ ɔ ´fa yo amun'n, ɔ'a fa fli amun.

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Ezekiɛl 12:3

Klɔ sran, fa ninnge bɔ sran nga be ´fɛ i kɔ kanga-a ɔ fa'n, nan wia klengle kpa'n nun bé nyin bo lɛ, kɔ lika uflɛ. Jaso lika nga a o nun'n nun lɛ kɔ lika uflɛ, kɔ be nyrun lɛ. Sɛ wienun-ɔn be ´wun i sɔ'n wlɛ nan be ´si kɛ be ti sran bɔ be nyin ti kekle o.

Ezekiɛl 18:21

«Sɛ klunwifuɛ ɔ yaci i sa tɛtɛ'm be yolɛ'n, sɛ ɔ fa min mmla'm be su, ɔ su wu-man. Ɔ ´nyan nguan.

Ndɛ Nga Nyanmiɛn I Nuan Ijɔfuɛ Oze Kannin'n 11:9

Min ya dan nga n fali'n, n su yo-mɛn i su sa, n su saci-man Efraim kun, afin nán klɔ sran yɛlɛ min, Nyanmiɛn yɛlɛ min, n ti min liɛ ngunmin. N ti Nyanmiɛn yɛ n wo amun afiɛn lɛ-ɔ. I sɔ'n ti'n, n su ba-man amún wun ya su.»

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .