Zeremi 26:22 - NYANMIƐN NDƐ'N 1998

²² Kpɛkuun famiɛn Zozakim sunmannin sran Ezipt. Ɔ sunmannin Akbɔr i wa Ɛlnatan nin sran wie mun i sin.

Zeremi 26:22 ပူးပေါင်းရင်းမြစ်များ

Bo Bolɛ 36:38

Kɛ Sail wuli'n Akbɔr i wa Baal-Anan yɛ ɔ sinnin i osu-ɔ.

2 Famiɛn Mun 22:12

I sin ɔ flɛli Ilkiza b'ɔ ti Nyanmiɛn nyrun jranfuɛ'n, nin Safan i wa Asikam nin Mise i wa Akbɔr, ɔ nin Safan b'ɔ ti fluwa klɛfuɛ'n, ɔ nin Azaza b'ɔ ti i sufuɛ'm be nun kun'n. Ɔ seli be kɛ:

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

Jue Mun 12:8

Klunwifuɛ'm be ongo-ongo bé wun yɛ be kpɛ sin-ɔn. Kɛ sran wie'm be yo sa tɛ'n, be nga be bu-man Nyanmiɛn nin i nuan ndɛ'n be like fi'n, ɔ yo be wie'm be fɛ. Anannganman, a ´nian e su, a ´sasa e titi sran sɔ'm be lika.

Nyanndra Mun 29:12

Sɛ be kpɛ gblɛ be kle kpɛnngbɛn kun nan ɔ fa su'n, san klunwifuɛ'm be ngunmin yɛ be mɛntɛn i-ɔ.

Zeremi 29:3

Sedesias b'ɔ ti Zida famiɛn'n sunmannin Safan i wa Eleaza, nin Ilkiza i wa Gɛmaria. Ɔ sunmannin be Nɛbikadnɛzar b'ɔ ti Babilɔni famiɛn'n i wun lɔ, yɛ Zeremi fɛ i fluwa'n mannin be-ɔ. Ndɛ ng'ɔ klɛli i nun'n yɛ:

Zeremi 36:12

ɔ ɔli famiɛn'n i awlo lɔ, yɛ ɔ ɔli awa'n i fluwa klɛfuɛ i sua'n nun lɔ. Ɔ ´kɔ'n, wuun famiɛn i awlo lɔ sran dandan'm be kwlaa be o lɔ: i awa'n i fluwa klɛfuɛ bɔ be flɛ i Elisama nin o, i Sɛmaɛza i wa b'ɔ suan Dɛlaza nin o, i Akbɔr i wa b'ɔ suan Ɛlnatan nin o, i Safan i wa b'ɔ suan Gɛmaria nin o, i Anania i wa b'ɔ suan Sedesias nin o, ɔ nin be nga mun.

Zeremi 36:25

Ɛlnatan nin Dɛlaza, ɔ nin Gɛmaria be srɛli famiɛn'n kɛ nán ɔ yra fluwa'n. Be srɛli i lele ngbɛn, ɔ'a di-man su.

Zeremi 39:14

be sunmannin sran ko fali Zeremi gladi awlo'n nun lɔ, be fɛli i mannin Safan i wa Asikam i klun ba liɛ Gɛdalia kɛ ɔ `fɛ i fa ɔ i awlo. Ɔ man Zeremi nin klɔ'n nunfuɛ mun yɛ be trannin lɛ-ɔ.

Ezekiɛl 8:11

Izraɛl kpɛnngbɛn ableso be jin nglo talɛ'n wun ninnge sɔ'm be nyrun lɛ. Safan i wa Zazania o be nun. Ansans yrawlɛ ninnge o be sa nun sɛsɛsɛ, yɛ ansans nga be su yrɛ i'n i wɛnsrɛn'n ɔ jaso kpa tukuu.